Një rekord prej 28 trilionë ton akull, mjaftueshëm për të mbuluar të gjithë Mbretërinë e Bashkuar u shkri nga faqja e Tokës midis viteve 1994–2017.
Studiuesit nga Universiteti i Leeds kryen studimin e parë botëror për humbjen e akullit duke përdorur të dhëna të mbledhura nga satelitët që rrotullohen rreth planetit tonë.
Ekipi zbuloi se shkalla vjetore e humbjes së akullit u rrit me 65 përqind gjatë periudhës 23-vjeçare, duke shkuar nga 0.8 trilionë tonë në vitet nëntëdhjetë në 1.3 trilionë tonë. Shkrirja përshpejtuese, e cila vazhdon të përkeqësohet, është nxitur kryesisht nga rritjet e mëdha të humbjeve nga akujt polare në Antarktidë dhe Grenlandë.
Shkrirja e akullit shërben për të rritur nivelet e detit në të gjithë globin, rrit rrezikun e përmbytjeve në komunitetet bregdetare dhe rrezikon habitatet natyrore nga të cilat varet jeta e egër. Humbjet nga shtresat e akullit të Antarktikut dhe Grenlandës janë përshpejtuar më shumë, tha autori i studimit.
Ngritja e nivelit të detit në këtë shkallë do të ketë ndikime shumë serioze në komunitetet bregdetare këtë shekull. Sipas Dr Slater dhe kolegëve, humbja e akullit në rritje është për shkak të ngrohjes së atmosferës së Tokës dhe oqeaneve,të cilat kanë parë rritje të temperaturës prej 0.26 ° C dhe 0.12 ° C çdo dekadë që nga vitet 1980.
Pjesa më e madhe, 68% e humbjes globale të akullit u nxit nga shkrirja atmosferike, ndërsa 32 përqind e humbjeve të mbetura janë shkaktuar nga shkrirja oqeanike. Ekspertët kanë vlerësuar se për çdo centimetër të ngritjes së nivelit të detit, afërsisht një milion njerëz janë vendosur në rrezik për t'u zhvendosur nga vendlindjet e tyre të ulëta.
