Mjafton 1 doze e Pfizer per ata qe kane kaluar Covid
Vetëm një dozë e vaksinës koronavirus të Pfizer/BioNTech mund të shkaktojë një përgjigje mjaft të fortë imune tek njerëzit që tashmë kanë pasur Covid-19.
Në SHBA vaksina është e autorizuar si dy doza të marra me diferencë prej 21 ditësh. Për të mbrojtur kundër Covid, doza e parë e paraprinë sistemin imunitar dhe e dyta e rrit atë.
Një prej atyre studimeve të reja, i udhëhequr nga studiuesit në University College London dhe Public Health England, përfshinte të dhëna për 51 punonjës të kujdesit shëndetësor në Londër. Midis atyre punëtorëve, 24 kishin kaluar Covid. Të gjithë punonjësit e kujdesit shëndetësor morën një dozë të parë të vaksinës Pfizer/BioNTech dhe më pas u testuan për antitrupa 19 deri në 29 ditë më vonë.
Studiuesit zbuluan se tek ata që kishin një infeksion të mëparshëm natyror, vaksinimi rriti nivelet e tyre të antitrupave më shumë se 140 herë. Studimi tjetër përfshinte të dhëna për 72 punonjës të kujdesit shëndetësor të cilët u vaksinuan në fund të Dhjetorit. 21 prej tyre kishin prova të infeksionit të mëparshëm të koronavirusit.
Punëtorët siguruan mostrat e gjakut në kohën e marrjes së dozës së tyre të parë dhe më pas 21 deri në 25 ditë pas vaksinimit. Studiuesit zbuluan se njerëzit me infeksion të mëparshëm të koronavirusit duket se gjeneronin përgjigje më të forta imune ndaj një doze të vaksinës krahasuar me ata që nuk ishin infektuar më parë.
Ajo që tregojnë këto të dhëna është që njerëzit që kanë qenë të infektuar natyrshëm, të cilët tashmë kishin zhvilluar një përgjigje imune ndaj këtij virusi, kur atyre u jepet më pas doza e parë e vaksines kanë një përgjigje përforcuese. Me fjalë të tjera, ata po veprojnë sikur po marrin dozën e dytë.
