Raketa kineze jashte kontrollit, pritet te bjere ne Toke

Long March 5B, raketa kineze prej 21 ton jashtë kontrollit, pritet të rrëzohet në Tokë të shtunën ndoshta në një zonë të banuar, paralajmëron qeveria e SHBA.

Një zëdhënës i Departamentit të Mbrojtjes zbuloi datën e hyrjes së tij të pritshme në atmosferën e Tokës, por tha se pika e saktë e hyrjes së saj aktualisht nuk mund të përcaktohet.

Përditësimet mbi vendndodhjen e saj po postohen në Space Track dhe qeveria do të sigurojë informacione shtesë ndërsa ato të bëhen të disponueshme, shtoi zëdhënësi. Gjurmuesit e tjerë satelitorë kanë zbuluar gjithashtu trupin e raketave 100 metra të gjatë, 16 metra të gjerë, të përcaktuar tani me emrin '2021-035B', duke udhëtuar me më shumë se katër milje në sekondë, aq shpejt sa ti biem përqark Tokës brenda dy orësh.

Komanda Hapësinore e Sh.B.A. është në dijeni dhe ndjek vendndodhjen e Long March 5B në hapësirë, por pika e saktë e hyrjes së saj në atmosferën e Tokës nuk mund të përcaktohet derisa brenda disa orësh nga rikthimi i saj, i cili pritet rreth dates 8 maj, tha Departamenti i Mbrojtjes i SHBA.

Raketa Long March 5B ishte përgjegjëse për dërgimin e Tianhe, blloku i parë ndërtues i stacionit të ardhshëm hapësinor të Kinës, në orbitë javën e kaluar. Më parë këtë javë, McDowell tha se  shtylla kurrizore e raketës  do të hyjë sërish në atmosferën e Tokës 'e pakontrolluar'.

Ai i tha SpaceNews se rruga e tij e çon atë në një gjerësi gjeografike përafërsisht në nivelin me Nju Jorkun dhe Madridin, dhe deri në jug si Kili jugor dhe Uellington, Zelanda e Re. Mund të ulet kudo në këtë varg, megjithëse shpresohet se shumica e tij do të digjej në atmosferë para se të godasë Tokën. 

Më të lexuarat