Murtaja shpesh mendohet si një sëmundje e lashtë, megjithatë rastet vazhdojnë të ndodhin edhe sot në zonat rurale të Afrikës, Azisë dhe Amerikës.
Studiuesit nga Grupi i Vaksinave të Oksfordit kanë njoftuar se po testojnë një vaksinë kundër murtajës, bazuar në vaksinën e koronavirusit. Prova do të shohë 40 të rritur që marrin vaksinën, në mënyrë që të vlerësojnë efektet anësore të mundshme dhe të përcaktojnë se sa mirë indukton reagimet e antitrupave mbrojtës dhe qelizave T.
Profesori Sir Andrew Pollard, tha: Pandemia e koronavirusit ka treguar rëndësinë e vaksinave për të mbrojtur popullatat nga kërcënimi i shkaktuar nga bakteret dhe viruset. Murtaja kërcënoi botën në disa valë të tmerrshme gjatë mijëvjeçarëve të kaluar dhe, edhe sot, shpërthimet vazhdojnë të prekin komunitetet.
Një vaksinë e re për të parandaluar murtajën është e rëndësishme për ta dhe për sigurinë tonë shëndetësore. Padyshim shembulli më i njohur i murtajës është Vdekja e Zezë, e cila vrau qindra miliona njerëz në të gjithë botën në vitet 1300.
Ndërsa murtaja mund të trajtohet në mënyrë efektive me antibiotikë nëse trajtohet herët, kjo shpesh nuk është e mundur në zonat rurale. Studiuesit thonë se një vaksinë do të ishte shumë më efektive.
Vaksina e murtajës bazohet në platformën vektoriale virale adenovirus ChAdOx1 e përdorur në vaksinën e koronavirusit Oxford/AstraZeneca. Ose jepet në formë injeksioni, ose mund të jepet edhe nën gjuhë.
