Një lloj i ri i materialit ndërtimor mund të zvogëlojë shumë emetimet e lëshuara nga industria e ndërtimit.
Shkencëtarët në Universitetin e Tokios kanë propozuar një metodë të re që kombinon mbeturinat e betonit dhe CO2 në atë që quhet beton karbonat kalciumi.
Inovacioni u frymëzua nga mënyra se si disa organizma ujorë ngurtësohen në fosile me kalimin e kohës, i cili bëhet përmes një procesi që formon depozita të forta të karbonatit të kalciumit nga lënda organike e vdekur. Profesori Ippei Maruyama, tha në një deklaratë: Ne e kombinojmë këtë me dioksid karboni nga shkarkimi industrial ose edhe nga ajri.
Ne e bëjmë këtë në temperatura shumë më të ulëta se ato të përdorura për nxjerrjen e kalciumit nga gëlqerorët aktualisht. ' Sipas studiuesve, rreth 7% e emetimeve të dioksidit të karbonit në botë rrjedhin nga prodhimi dhe përdorimi i betonit, përbërësi kryesor në çimento.
Dhe një pjesë e madhe e emetimeve është për shkak të kalciumit që bëhet përmes djegies së gurit gëlqeror. Koncepti ynë është të marrim kalcium nga betoni i hedhur, i cili përndryshe do humbasë, tha Maruyama.
Materiali i ri është shumë i qëndrueshëm, por nuk është ende gati për të zëvendësuar plotësisht betonin tradicional. Nuk është aq i fortë sa betoni tipik, megjithëse për disa projekte ndërtimi, siç janë shtëpitë e vogla, kjo nuk do të ishte problem, sipas studiuesve.
