Nokia po ri-sjell një nga telefonat e saj celularë klasikë, 6310, për të shënuar 20 vjet që kur u lëshua për herë të parë në Mbretërinë e Bashkuar.
HMD Global, krijuesit e telefonave Nokia, thanë se pajisja do të kishte siluetën origjinale dhe ikonike të klasikes 6310 me jetëgjatësinë e gjatë të baterisë. Telefoni do të vijë me një kopje të lojës klasike të viteve '90 Snake.
Do të ketë "ndryshime delikate" për të shënuar kalimin e 20 vite të evolucionit teknologjik, duke përfshirë butona më të mëdhenj dhe një menu të zmadhuar për lehtësinë e leximit. Ajo vjen me një ekran më të madh 2.8 inç 320x240 pixel, krahasuar me ekranin 1.8 inç 120x160 pixel që gjendet në origjinal dhe është në shitje për 59.99 dollare.
Nokia thotë se versioni i ri i pajisjes së saj ikonike, i dashur për jetëgjatësinë e baterisë dhe formën e fortë, do të përfshijë gjithashtu një radio FM wireless.’Celulari i ri është 'rifreskuar dhe ri -shpikur', që të përputhet me nevojat moderne.
Një gjë që Nokia nuk ka ndryshuar është bateria, me pajisjen e re që zgjat javë mes karikimeve, ashtu si origjinali. Telefoni karikohet duke përdorur një kabllo MicroUSB dhe mund të funksionojë për 19 orë me bateri kur përdoret në mënyrë aktive në një telefonatë, sipas uebfaqes së Nokia.
