Zvicra nderton hidrocentralin qe ruan deri ne 20 mln kWh
Një 'bateri uji' 900 MW që i kushtoi Zvicrës 2 miliardë euro dhe ishte në ndërtim për 14 vjet, tani është në funksion.
Bateria ndodhet gati 600 m nën tokë në Alpet Zvicerane. Me botën e fokusuar në shfrytëzimin e energjisë së saj nga burimet e rinovueshme, ekziston nevoja për të ruajtur këtë energji e cila prodhohet me ndërprerje në varësi të kushteve të motit dhe kohës së ditës.
Bateria e ujit që u vu në punë së fundi në Zvicër ka një kapacitet magazinimi prej 20 milionë kWh, ekuivalente me 400,000 makina elektrike, dhe synon të ndihmojë në stabilizimin e rrjetit të energjisë në Zvicër dhe rrjeteve të tjera të lidhura në Evropë.
Fabrika ka 6 turbina që mund të gjenerojnë 900 MW energji. Bateria është ndërtuar midis rezervuarëve të Emosson dhe Vieux Emosson në Valais, një kanton në pjesën jugperëndimore të Zvicrës.
E vendosur gati 600 m nën tokë, dhoma e madhe e motorit të uzinës është rreth 200 m e gjatë dhe është mbi 32 m e gjerë. Për të zhvendosur materialet e ndërtimit në kantier, inxhinierët së pari duhej të gdhendnin tunele nëpër Alpe.
