Krijohet bateria elektrike rezistente ndaj temperaturave
Bateritë e reja rezistente ndaj temperaturës mund të nënkuptojnë se automjetet elektrike do jenë më të afta të përballojnë të ftohtin dhe nxehtësinë ekstreme.
Studiuesit në Universitetin e Kalifornisë në San Diego kanë krijuar bateri litium-jon që funksionojnë mirë në temperaturat e ftohta dhe të nxehta.
Ata përdorën një elektrolit të veçantë rezistent ndaj temperaturës - substanca në një bateri që lejon që rryma elektrike të rrjedhë.
Nëse futen në prodhimin e automjeteve elektrike, bateritë mund të lejojnë automjetet elektrike në klimë të ftohtë të udhëtojnë më larg me një karikim të vetëm.
Ato gjithashtu mund të zvogëlojnë nevojën për sisteme të shtrenjta ftohjeje për të mbrojtur bateritë e automjeteve nga mbinxehja në klimat e nxehta.
Aktualisht temperaturat shumë të nxehta ose shumë të ftohta mund të ndikojnë negativisht në performancën e baterive në automjetet elektrike, duke ngadalësuar shpejtësinë e karikimit.
Në automjetet elektrike, paketat e baterive janë zakonisht nën dysheme, afër këtyre rrugëve të nxehta. Bateritë që Chen dhe kolegët zhvilluan janë tolerante ndaj të ftohtit dhe nxehtësisë falë elektrolitit të tyre.
