Se shpejti mund te udhetoni me avionin me te shpejte ne bote
American Airlines ka rënë dakord të blejë 20 avionë Overture nga prodhuesi i avionëve Boom Supersonic.
Overture, i quajtur son of Concorde' është ende në zhvillim e sipër, por mendohet të jetë 'avioni më i shpejtë në botë', duke arritur shpejtësinë rreth 1300 mph.
Kjo është dyfishi i shpejtësisë së avionëve komercialë aktualë dhe mund të zvogëlojë kohën e udhëtimit midis Majamit dhe Londrës nga 9 orë në vetëm 5.
Overture është avioni ynë kryesor, një aeroplan komercial supersonik që do të mbajë deri në 88 pasagjerë, shpjegon Boom Supersonic. Ne jemi duke projektuar Overture sipas standardeve lider në industri të shpejtësisë, sigurisë dhe qëndrueshmërisë.
Ja një vështrim i veçorive kryesore që presim të shohim në Overture, përpara daljes së tij në 2025, fluturimit të parë në 2026 dhe fluturimit të parë të pasagjerëve në 2029.
Overture drejtohet nga katër motorë të fuqishëm të montuar në krahë që e fuqizojnë avionin. Ndërsa mund të prisni që Overture të jetë tepër i zhurmshëm, fatmirësisht nuk është kështu.
Përdorimi i 4 motorëve rezulton në kërkesa më të ulëta të shtytjes për secilin, që do të thotë ulje e niveleve të përgjithshme të zhurmës. Avioni është gjithashtu i pajisur me sistemin e parë të automatizuar të reduktimit të zhurmës në botë.
