Zbulohet virusi i lashte ne Arktik, rreziku per pandemi

Një virus i lashtë që ka qëndruar i ngrirë për 48,500 vjet në akujt Siberianë është bërë më i vjetri i ringjallur ndonjëherë deri më tani, thonë shkencëtarët.

Është ndër 7 llojet e viruseve në permafrost që janë ringjallur pas mijëra vjetësh. Më i riu ishte ngrirë për 27,000 vjet dhe më i vjetri, i quajtur Pandoravirus yedoma, ka qenë i ngrirë për 48,500 vjet.

Megjithëse viruset nuk konsiderohen si rrezik për njerëzit, shkencëtarët paralajmërojnë se viruset e tjera të ekspozuara nga akulli i shkrirë mund të jenë katastrofike dhe të çojnë në pandemi të reja.

48,500 vjet është një rekord botëror, tha virologu në Universitetin Aix-Marseille në Francë. I emëruar sipas kutisë së pandorës, pandoravirus është një gjini e virusit gjigant i zbuluar për herë të parë në 2013 dhe i dyti më i madhi në madhësi fizike nga çdo gjini e njohur virale pas pithovirusit.

Pandoravirusi është një mikrometër i gjatë dhe 0,5 mikrometër i gjerë, që do të thotë se është i dukshëm me një mikroskop me dritë. Ky ekzemplar i veçantë 48,500 vjeçar u gjet në ngrica të përhershme 16 m nën fundin e një liqeni në Yukechi Alas në Yakutia, Rusi.

Shkencëtarët nuk janë dakord rreth moshës së saktë të kapakut të akullit të Arktikut, ngrirjes së përhershme që e rrethon atë dhe për rrjedhojë moshën e objekteve që përmban.

Më të lexuarat