ALUFLOR Construction Group

Historiku

Aluflor Construction Group u krijua nga pasioni dhe ëndrra e një vajze të re e cila në moshën 23 vjecare la pas Gjermaninë ku kishte studiuar dhe punuar me një karrierë të sigurtë dhe u kthye në Shqipëri, vendin e lindjes ku e prisnin sfida që me pas do t’i ndryshonin jetën në mënyrë të pabesueshme. Florentia u kthye në Shqipëri në vitin 2004 në një vend te cilin e kishte në zemer si atdheun e dashur por nuk e njihte mënyrën e të jetuarit, kulturën e punës, realitetin e biznesit, dhe e ardhur nga një vend shumë i zhvilluar si Gjermania u gjend në mesin e shume dilemave ku vendosja e paraleleve me standardet e Gjermanisë, dukej një mision i pamundur.

Gjyshi i saj z.Donald Larkin ishte udhëheqësi shpirtëror i cili financoi dhe mbështeti iniciativën e saj për të nisur Aluflor, një kompani model të ekselencës në ndërtim dhe arkitekturë e cila do të behej më pas frymëzim për njerëzit që ju bashkuan ëndrrës për të ndryshuar imazhin e ndërtesave në vend. Si personi më me shumë ndikim në jetën e saj, Z.Larkin me një karrierë ekzekutive 50 vjecare, bankier dhe humanist i spikatur ka luajtur një rol shumë të rëndësishëm për krijimin dhe rritjen e Aluflor si bashkëthemelues, aksioner kryesor dhe vizionar I çmuar në momentet më vendimtare të kompanisë. Aluflor nisi në vitin 2005 duke rrëmbyer eksluzivitetin e markës Gjermane Alucobond duke nisur kështu partneritetin me Alcan Singen dhe me përpjekjet e një biznesi të ri ambicioz u bë e mundur të realizoheshin projektet e para në Shqipëri të cilët do të ishin edhe modelet e ndërtesave të së ardhmes.

Me shumë sakrifica, dhe duke u përballur me vështirësi nga me të pabesueshmet, Florentia ia doli të promovojë produktet Gjermane në çdo cep të vendit dhe me një vendosmëri të paimagjinueshme në pak vite krijoi besueshmërinë për të sjellë në Shqipëri, markat dhe kompanitë Gjermane të cilat sot janë partnere dinjitozë dhe së bashku kanë realizuar projektet dhe referencat më madhështore në Shqipëri me cilësi dhe standarde në nivelin e atyre Gjermane Sot Aluflor është një kompani që njihet për profilin e lartë në realizimin e projekteve të fasadave nga më komplekset, me efiçensë të lartë në kursimin e energjisë për t’ju përgjigjur standadeve më të larta në certifikimin e ndërtesave dhe me kapacitete për të realizuar projekte që i përkasin të ardhmes së teknologjisë së ndërtimit edhe në vendet më të zhvilluara të Botës.

Pavarësisht suksesit dhe përgjithmonë e dashuruar me punën, Florentia mbetet një person shumë i thjeshtë, të cilën kur e pyet se si ia dole mbanë, përgjigjet: “Nëse do ta dija që në fillim çfarë vështirësish më prisnin nuk do ta kisha nisur kurrë këtë biznes, por jam krenare pasi sfidat e të pa-mundurës më kanë ndyshuar jetën dhe kanë prekur jetët e të gjithë atyre të cilët kanë ecur në rrugën time. Tani që me pyesni, mund të them me përulësi qe kjo sacrifice ia ka vlejtur çdo pikë djerse, dhe do të kushtoja gjithçka për atë që Aluflor dhe njerëzit e saj përfaqesojnë sot në Shqipëri dhe me gjerë.