Dulcigno Doors

Përshkrimi

Themeluar si degë e Fabrikës Kurti, Dulcigno Doors është e dedikuar për t'ju ofruar klientëve kualitetin më të lartë dhe dizajnin e përkryer të dyerëve të brendshme në zhvillimin e projekteve të tyre. Përvoja jonë disa vjeçare na ka dhënë mundësinë të identifikojmë furnizuesit më të mirë në treg për bazën materiale, si element kyç në garancinë e cilësisë më të lartë që ne i ofrojmë klientit. 

Departamenti i prodhimit është vendi ku kombinohet njohuria disa vjeçare e mjeshtërave tanë me teknologjinë më të fundit të tregut, për të prodhuar në fund dyer që i rezistojnë kohës, si në cilësi ashtu edhe në dizajn. Përdorimi i makinerive më të fundit lejon aplikimin e teknologjisë CAD/CAM, falë të cilit procesi i prodhimit është plotësisht i automatizuar. 

Ekipi jonë, i përbërë nga ariktekt dhe interior designer mjaft të talentuar, sjell vazhdimisht dizajnet dhe trendet më të reja të tregut, duke realizuar të gjitha dëshirat dhe fantazitë e klientëve tanë. Pasi projektet marrin formë, para se të shkojnë në fazën e përfundimit, elementët mblidhen dhe testohen gjatë prodhimit. 

Pas kalimit me sukses të ketij testi, vijohet me fazën e prodhimit, por nuk mbaron me kaq. Çdo produkt i dalë nga fabrika jonë i nënshtrohet kontrollit të cilësisë dhe ambalazhimit. Nën mbikëqyrjen e kujdesshme të stafit tonë sigurohet që produkti të montohet dhe klienti të ketë përpara të realizuar në detaje dhe perfeksion, produktin që ka dëshiruar.

Dulcigno Doors by Fabrika Kurti

Fabrika Kurti është një fabrikë mobiljesh e përkushtuar në përmirësimin e vazhdueshëm të cilësise së shtëpive, zyrave dhe hapësirave publike përmes fuqisë së dizajnit.

Në vitin 1991, Fabrika Kurti filloi si një biznes i vogël tapicerie brenda një garazhi të vogël dhe sot është një nga fabrikat më të mëdha të mobiljeve në rajon. Sot fabrika ka një sipërfaqe prej 4000m2 ku realizohen të gjitha fazat e prodhimit të llojeve të ndryshme të mobiljeve, si dhe prodhimi i dyerëve të brendshme. 

Suksesi i Fabrikes Kurti bazohet në krijimtarinë, inovacionin dhe teknologjinë që vihet në hartimin dhe prodhimine produkteve të persorura për sa i përket funksionit, materialeve, cilësisë së ndërtimit dhe dizajnit që i mbijeton kohës. Kjo shkallë e lartë e njohurive teknike përmirësohet vazhdimisht nga kërkimi intensiv mbi materialet dhe teknologjive te reja duke rritur kështu vlerën e detajeve.

Ky proces bëhet nga zemra e kompanisë: dhoma e dizajnit dhe studioja e arkitektëve, një ekip prej 6 dizajnerësh Interior dhe 2 arkitektëve, qëllimi kryesor i të cilëve eshtë të sjellin risi dhe rehati në shtëpinë tuaj. 

Sot kompania posedon teknologjitë dhe makineritë më të avancuara dhe me kujdesin e mjeshtërave dhe ekspertëve të makinerive ne mund tju ofrojmë të gjitha llojet e mobiljeve për arredimin e ambienteve të ndryshëm si: dhoma gjumi, sallone, dhoma hotelesh, restorante, banjo, veshje murri dhe dyer të brendshme. Çdo produkt punohet në mënyrë unike sipas dëshirave të klientit me masa dhe ngjyra të veçanta.

Video