Dielectric Mirror (pasqyra dielektrike), nje pasqyrim i mire nga Guardian

Zhvilluar dhe prodhuar nga "Guardian Industries Glass Group" - një prodhues i mirënjohur i produkteve të xhamit të cilësisë së lartë komerciale, banesa, ambiente dhe automjete - "Dielectric Mirror" i jep një dimension të ri disenjimit bashkëkohor.

Produkti i shërben një qëllimi të dyfishtë: Mund të funksionojë si pasqyrë e zakonshme ndërsa maskon më së miri ekranin e televizorit ose një ekran tjetër që mund t'i montohet nga mbrapa. Gjithsesi, kur ndizet pajisja përkatëse elektronike, veshja e xhamit ridrejton dritën duke bërë të shfaqet ekrani i pajisjes së montuar nga mbrapa.

"Dielectric Mirror" është ideal për çdo lloj përdorimi në shtëpi ose ndërmarrje, në rastet kur nevojiten televizorë të fshehtë, ekrane komerciale apo ekrane projektimi të teknologjisë së fundit. Produkti ofrohet në dy variante:

•    DM 60/40 pasqyron mbi 57% të dritës dhe lejon 41% transmetimin e saj, duke e bërë ideale për aplikime ku nevojitet më shumë përdorimi si pasqyrë;
•    DM 30/70, nga ana tjetër, pasqyron rreth 29% të dritës dhe lejon 69% transmetim të saj kur pajisja ndizet nga pas, duke e bërë kështu një zgjidhje optimale për raste kur televizori apo ekrani është element bazë i disenjimit.

Prodhuar me anë të teknologjisë së përparuar të shtresës me spërkatje, "Dielectric Mirror" pakëson shqetësimet e shkaktuara nga absorbimii tipik i produkteve me pasqyrim te larte, si dhe ia del mbanë në heqjen e errësimit të tepërt që vihet re në shumë prej xhamave deri më sot, duke ofruar kështu një avantazh të veçantë komercial.

"Këto karakteristika zgjidhin një prej ankesave më të zakonshme në lidhje me këto produkte," - thotë Erion Sico, Drejtor Marketingu i "Guardian Industries Albania". "Për shembull, produkte të ngjashme dihet se shfaqin shmangie të ngjyrave kur niveli i pasqyrimit të dritës tejkalon 45% - ose pasqyra shfaq një ngjyrim të padëshiruar që vazhdon të mbetet edhe pas fikjes së ekranit. Kjo nuk ndodh me 'Dielectric Mirror' të 'Guardian'."

Produkti ofrohet në trashësi 4 mm dhe 6 mm nga "Jumbo" (3,21 x 6 metra) në madhësi sipas prerjes dhe në xham standard të tejdukshëm "Guardian UltraClear™" (nivel të ulët metali) ose xham "LamiClear". Mund dhe të temperohet e të përpunohet në xham të laminuar."Guardian" e ka prezantuar për herë të parë "Dielectric Mirror" në ekspozitën "Glasstec" në Dyseldorf të Gjermanisë, vitin e kaluar dhe prodhohet në fabrikën e saj në Hungari.Erion Sico, thekson më tej: "Kemi kënaqësinë t'u ofrojmë klientëve edhe më shumë fleksibilitet për këtë produkt të specializuar duke e ofruar xhamin e 'Dielectric Mirror' në vëllime të vogla ose në paketa të ndara që mund t'u shtohen porosive."Për informacion të mëtejshëm rreth "Dielectric Mirror" dhe produkteve të tjera të "Guardian" vizitoni www.guardianglass.co.uk/latestproducts.

Informacion rreth "Guardian Industries Corp.":

"Guardian" është një kompani e larmishme prodhuese me seli në Auburn-Hills, Michigan të SHBA-së, me pozita kryesuese në treg në produktet e xhamit float dhe të xhamit të përpunuar për përdorime komerciale, banesash dhe transporti; përdorim në industrinë automobilistike; dhe shpërndarjen e produkteve te ndertimit. Nëpërmjet qendrave të saj të kërkim-zhvillimit (Qendra e Shkencës dhe e Teknologjisë për xhamin dhe Qendra e Zhvillimit të Përparuar për industrinë automobilistike), "Guardian" qëndron në krye të inovacionit teknologjik. Grupi i saj për industrinë automobilistike, "SRG Global", është një nga prodhuesit më të mëdhenj në botë të veshjeve të përparuara të cilësisë së lartë për pjesët plastike. "Guardian", degët e saj dhe filialet e saj punësojnë rreth 17 000 persona në komplekset në Amerikën e Veriut, Evropë, Amerikën e Jugut, Lindjen e Mesme dhe Azi. Vizitoni www.guardian.com.

"Dielectric Mirror" nga "Guardian" i jep një përmasë të re disenjimit bashkëkohor.
(Foto "Guardian Industries Corp.", GRDPR005

Kjo komunikatë për shtyp dhe fotografia përkatëse mund të shkarkohen nga www.PressReleaseFinder.com.
Përndryshe, për fotografi të rezolucionit të lartë kontaktoni Siria Nielsen (snielsen@emg-pr.com, +31 164 317 036).

Per me teper informacion na kontaktoni ne :

Cel: +355 69 20 45 522
E-mail: esico@guardian.com
URL: https://acp.al/company-listing/company/1101/Guardian-Glass-S.A/

Më të lexuarat