Rafaelo 2002 sh.a

Çfarë ofron

1.Rafaelo Construction

Rafaelo Construction ka zgjeruar aktivitetin e saj në fushën e ndërtimit, ku ju ofron klientëve të saj cilësi dhe komoditet. Apartamente moderne të ndërtuara në pikat kyçe të kryeqytetit, Tiranës dhe vendndodhjeve bregdetare si Golemi dhe plazhi i bukur i Shëngjinit, si dhe jashte vendit ne Podgorice me strukture hotelerie executive me 5 yje dhe kapacitet prej 660 dhoma ku do të gjeni qetësinë dhe pushimin e dëshiruar. Objektet ndërtohen sipas kushteve teknike në përputhje me legjislaturën e shtetit shqiptar.

Objektet filluan të ndërtoheshin pas një studimi të plotë gjeologjik, mbi të cilin u bë projekti konstruktiv. Apartamentet kanë hapësira të përshtatshme për funksionalitet komod dhe përmbajnë: zona ditore (banimi dhe gatimi), zona e natës (fjetja) një ose dy banjo dhe ballkon.

2.Prodhim - Impianti i Prodhimit të Inerteve & Impianti i Prodhimit të Betonit

Kompania “Rafaelo 2002” sh.a është e njohur edhe në prodhimin e materialeve inerte si granili dhe rëra, një prodhim cilësor me makineri të standarteve europiane. Për transportin e inerteve disponojmë 25 makina inertesh vetëshkarkuese. Investimi i këtij projekti perfundoi në gusht 2008 dhe përbëhet nga makineri të teknologjisë të tipit VOLVO, të vitit të prodhimit të 2007-ës. Projekti arriti në vlerën prej 2.5 milion euro. Ky impiant kryen përpunimin e inerteve të cilat merren nga depozitimet e lumenjve dhe nxjerr fraksione të të gjitha llojeve të rërës dhe granilit të lumit.

Gjithashtu një ndër prodhimet kryesore dhe cilësore të kompanisë është betoni i markave: beton M 100, beton M 150, beton M 200, beton M 250, beton M 300, beton M 350. Kompania jonë zotëron 15 betoniere për transport betoni dhe jemi të gatshëm të kryejmë furnizime me beton 1500 m3 për 24-orë. Gjithashtu disponojmë 3 pompa betoni me një gjatësi prej 36 deri në 44 metra.Investimi total i impiantit të betonit arrin në vlerën 4.9 milion euro dhe përbëhet nga makineri të teknologjisë greke të vitit të prodhimit 2008, i cili hyri në prodhim në janar të vitit 2009. Impianti është i shtrirë në një hapësirë të mjaftueshme për mirë funksionim, çka nënkupton se në atë pikë kemi përqëndrimin e një pike të tregtimit të materialeve të ndërtimit. E gjithë toka, në të cilën është instaluar impianti i betonit, është në pronësi të Rafaelo 2002 sh.a.

3.Import – Export

Kompania jonë tregton materiale të tilla si: hekur ndërtimi dhe zgara të të gjitha dimensioneve të importuara nga fabrika e produkteve të hekurit “Sidenor” me vendodhje në Greqi. Gjithashtu tregtojmë hekur ndërtimi të prodhimit vendas nga “Kurum International”. Hekuri shoqërohet me çertifikata të cilësisë dhe është i pajisur me ISO, sipas standardeve evropiane.

Çimento nga kompania prestigjoze Colacem në Itali, çimento Titan, tulla nga KID ALB SH.P.K, gëlqere e hidratuar nga Italia MINERMIX, një nga liderët botërorë në prodhimin e gëlqeres, e pajisur me fletë analizë dhe çertifikata origjine, nga e cila rezulton se ky material është i vetmi që garanton bardhësi, pastërti dhe përhapje shumë të mirë në mur, e cila ndikohet nga cilësia e shkëlqyeshme e gëlqeres. Polisterol dhe shumë materiale të tjera, të një cilësie shumë të lartë, me çmimet më të mira në treg. Ne gjithashtu kryejmë transportin e materialeve në destinacionin e kërkuar nga klienti. Aktualisht ne importojmë – eksportojmë me vende të tilla si: Greqia, Maqedonia, Gjermania, Italia, Turqia, Egjipt etj.

4.Materiale Ndertimi (Wholesale)

Kompania jonë me përvojë shumëvjeçare, zotëron magazina për tregtimin e materialeve të ndërtimit në disa qytete të Shqipërisë si: Tirana (në Kombinat, afër Kthesës së Kamzës, në Kamëz (Mullet), në Durrës (Shkozet), Laç (në Shënkoll, Gjorm), Lezhë (në Rrilë) etj. Kompania ka 1800 klientë dhe 750 furnitorë, me të cilët kemi një bashkëpunim shumë pozitiv me përfitime të mira për të dyja palët. Rafaelo 2002 sh.a ka një përvojë disa vjeçare në mbledhjen e skrapit (mbetje hekuri), metale me ngjyra dhe pa ngjyra. Skrapi grumbullohet në depot e kompanive, të cilat janë të pajisura me lejet përkatëse mjedisore dhe tregtohen në Shqipëri, eksportohen në Greqi dhe Turqi. Mbetjet e hekurit përpunohen gjithashtu, duke përdorur mjete të përshtatshme si: presa hidraulike, ekskavator me gërshërë, ekskavatorë grif, vinça etj., dhe gjithashtu një staf të specializuar për këtë fushë si: mekanikë, saldatorë, manovrues, oksigjenues, etj.

1- Hekur Ndertimi   

• B500B
• B500 C  
• nga 8~ 32 Ø

2- Zgarë Ndërtimi me dimensione te ndryshme:

• 15x 15
• 20 x20
• 23 x 25
• nga 4-8 Ø

3- Çimento Colacem

4-Tullë:

• Tulle antisizmike
• Tulle termike
• Tulle e lehtesuar
• Tulle solete
• Tulle mbajtese
• Tulle proton

5- Kolle

6- Gëlqere

7- Tjegulla

5.Transport Tokësor & Transport Detar

Rafaelo 2002 sh.a zotëron 120 automjete të rënda transporti të llojeve të ndryshme të pajisura me të gjithë dokumentacionin përkatës për transportin kombëtar dhe ndërkombëtar. Ne kryejmë transportin e materialeve të ndërtimit si: hekur, tulla, çimento, etj. Gjithashtu jemi të licensuar për të kryer transport për palë të treta. Me mjete të standardeve moderne, ne u ofrojmë klientëve tanë siguri të plotë për mallrat e tyre, sepse punojmë me përgjegjësi dhe korrektësi. “RAFAELO 2002 TRANS” u ofron klientëve një shërbim cilësor për çdo lloj transporti që u nevojitet bazuar në rregullat në fuqi të Republikës së Shqipërisë për Transportin. “RAFAELO M&M” sh.p.k është një nga kompanitë tona prestigjoze që operon në fushën e transportit të çimentos me shumicë.

Si lider në transport, Rafaelo 2002 sh.a operon edhe nëpërmjet transportit detar. Ne zotërojmë 3 anije mallrash me tonazh të lartë, të cilat kryejnë transporte në emër të kompanisë dhe transportojnë te palët e treta në Mesdhe dhe Detin e Zi. Kemi një bashkëpunim shumë të mirë prej disa vitesh me kompaninë COLACEM, një nga liderët botërorë në prodhimin e çimentos në Itali. Anijet tona transportojnë mesatarisht 117,000 ton klinker në vit nga Italia. Gjithashtu transportojmë 44,691 ton hekur ndërtimi të prodhuar nga kompania greke SIDENOR dhe 43,000 ton skrap (mbetje hekuri), si dhe një sasi të konsiderueshme për palët e treta. Anijet janë të pajisura me të gjithë dokumentacionin e nevojshëm kombëtar dhe ndërkombëtar. Për të menaxhuar punën e anijeve, na vjen në ndihmë Agjensia jonë Detare dhe Spedicionere “Rafaelo” në Durrës, pranë Portit të Durrësit dhe në Shëngjin pranë Portit të Shëngjinit, i cila ka një staf të kualifikuar, me përvojë të gjatë në këtë fushë.

6.Hidrocentrale

Në vitin 2013, Rafaelo 2002 sh.a fitoi dy koncesione për ndërtimin e hidrocentraleve përgjatë lumit Gjadër, i cili derdhet në lumin Drin, kapaciteti total i instaluar i të cilit është 14,920 kW dhe prodhim mesatar vjetor 63,430,800 kWh, dhe hidrocentrali Lumzi që do të ndërtohet në rrjedhën e Roshit, me një kapacitet total të instaluar 13,640 kW dhe një prodhim mesatar vjetor të energjisë prej 52,400,000 kWh.

Koncesionet u dhanë për një periudhë 35 vjeçare nga data e hyrjes në fuqi. Ne kemi kryer projekte tekniko-ekonomike dhe mjedisore për ndërtimin dhe funksionimin e hidrocentraleve të lartpërmendur. Fokusi ynë është t’i japim një rol parësor prodhimit, transmetimit dhe shpërndarjes së energjisë elektrike përmes ndërtimit të hidrocentraleve të reja. Ne e konsiderojmë këtë një element të rëndësishëm në zhvillimin e shoqërisë sonë, prandaj jemi të përkushtuar për krijimin dhe zhvillimin e tregut të brendshëm dhe të jashtëm për prodhimin dhe shitjen e energjisë elektrike. Ne posedojmë kapacitetet e nevojshme tekniko-financiare dhe aftësitë menaxheriale për realizimin e këtyre projekteve madhore.

7.Resort / Hotele (RAFAELO RESORT)

Panorama mahnitëse e detit Adriatik, plazhit, barit, restorantit dhe shumë ambienteve të tjera argëtuese për një pushim fantastik dhe të paharrueshëm. Resorti ynë ofron një komoditet në stilin mesdhetar i vendosur vetëm 10 minuta me makinë nga qyteti historik i Lezhës dhe kështjellës së tij. Uji i ngrohtë i detit dhe flladi i lehtë, e kthejnë vendndodhjen e resortit tonë në një oaz pushimi, freskie dhe gjelbërimi.

Rafaelo Resort ofron 3 mundësi akomodimi, Standard 4 *, Deluxe-5 * dhe Hotel Executive. I gjithë kompleksi është ndërtuar në një sipërfaqe prej 30,000 m2, ofron një sipërfaqe ranore prej 10 ha për plazhin me një zonë të pastruar dhe të sistemuar me karrige dhe çadra, shesh lojërash për fëmijë, restorante me menu kontinentale dhe italiane, pista pranë detit ofron piceri, ushqim të shpejtë dhe kuzhinë në skarë, zona të gjelbërta dhe stola, pishina sezonale dhe të brendshme, palestër sportive me dushe, SPA etj.

8.Man Truck Bus Center Albania

(Servis Makinash dhe Kamionash)

Një nga iniciativat e kompanisë sonë ka qenë për të fituar ekskluzivitetin e importit të produkteve të kompanisë së mirënjohur “MAN”.  Kompania “MAN” është e njohur në të gjithë botën dhe ka degët e saj në të gjitha vendet e industrializuara dhe tani përfaqësohet në Shqipëri nga kompania “Rafaelo 2002” sh.a. Duke filluar nga ky investim, “Rafaelo 2002” sh.a me mbështetjen e plotë të “MAN”, synon të përmbushë kushtet për klientët e saj me efikasitet duke ofruar një shërbim të plotë, duke filluar nga shërbimi periodik deri në testimin e plotë të automjetit.

Kjo pikë e shitjes dhe shërbimit ka një zonë të konsiderueshme shërbimi të përbërë nga 5 kapanone, ku secili shërben dy automjete në të njëjtën kohë. Projekti i kësaj ndërtese u realizua nga studiot më prestigjoze të arkitekturës në Gjermani dhe u konvertua nga studiot e arkitekturës gjermano-shqiptare në Shqipëri. Kështu  ju mund të kuptoni se “Rafaelo 2002” sh.a i kushton vëmendje të veçantë cilësisë së prodhimit dhe shërbimit.

9.Kulmbacher & Kapuziner Beer

Kulmbacher dhe Kapuziner janë birra gjermane, të prodhuara 3000 vite më parë në vendin që mban emrin Kulmbach, dhe historia tregon se janë ndër birrat e para të prodhuara nga murgjit. Në Shqipëri vjen nën logon e Rafaelo Group 2002  prej gati 10 vitesh. Birrë për t’u shijuar deri në pikë të fundit!