PERPARIMI SH.A

Përshkrimi

Kompania PËRPARIMI SH.A ka nisur aktivitetin e saj në vitin 1994 në fushën e përpunimit të hekurit dhe prodhimit të rrjetave. Kompania është e përfshirë në tregëtine e hekurit në pothuajse 80 për qind të gjithë Shqipërisë. Përparimi sh.a ka nisur si një biznes familjar, duke u zgjeruar çdo ditë e më shumë në kapacitete prodhimi, magazinimi dhe staf të kualifikuar dhe profesional.

Objektivi kryesor i kompanisë është cilësia e prodhimit, përmbushja e kërkesave të çdo klienti në kohën e duhur dhe me kosto minimale, garancia që ofrojme për produktet tona dhe të vazhdojmë të prodhojmë bazuar në standartet më të larta të tregut. Kapaciteti i kompanisë shfrytëzohet maksimalisht dhe në mënyrën me efiçente falë investimeve të vazhdueshme në makineritë me teknoligjinë më të avancuar në treg.

Eksperienca e vazhdueshme ndër vite dhe bashkëpunimi me kompanitë më në zë të fushes, e kanë kthyer Perparimi sh.a një pikë referimi kryesore në tregun vendas dhe të huaj dhe një ndër kompanitë me kualitetin dhe standartet më të larta. Fokusi kryesor i kompanisë është eksporti në të gjithë Europen, veçanerisht në vendet si Italia, Greqia, Franca, Gjermania, duke vazhduar më tej dhe në Lindjen e Mesme. Bashkëpunimi me kompani të huaja në këto rajone, vjen falë përkushtimit tonë të vazhdueshëm, cilësisë që ofrojmë dhe standarteve, të cilat konkurojnë me kompanitë në Europe.

Gjithashtu, bashkëpunimi me kompanitë më të mëdha të ndërtimit në Shqiperi dhe prodhuesve të rrjetave, është mjaft i suksesshëm.  Cfarë na dallon nga të tjerët është kualiteti, çmimi konkurues në treg dhe përfundimi i çdo kërkese të klientëve në kohën e duhur dhe me cilësi maksimale. Fokusi i Përparimi sh.a është të vazhdojë të jetë lider në sektorin ku operon tashmë prej vitesh.