RRUGA URA ASFALTIM NR. 2

Shfaq kontaktet

Adresa: Fshati Balez Poshte, zona kadastrale nr.1079, Elbasan

Dergoji email
kompanise

Përshkrimi

CILËSI DHE STANDARTE EVROPIANE

"Rruga Ura Asfaltim Nr. 2 Elbasan" Sh.a është kompani me mbi 23- vite eksperiencë në treg. Veprimtaria dhe portofoli i kompanisë është i shtrirë në disa sektorë të ndryshëm si infrastrukturë publike, ndërtime civile, ndërtime veprash energjitike, shërbime transporti, industria prodhuese dhe shërbime hotelerie.

“Rruga Ura Asfaltim Nr.2 Elbasan” Sh.a është një kompani shqiptare që merret me ndërtime, rikonstruksione civile e industriale ne sektorin publik dhe privat, ne sektorin e prodhimit dhe tregtisë së materialeve të prodhuara si beton, asfaltobeton, polisterol, materiale inerte.

Pika e fortë e kompanisë është akoma bashkimi midis dy gjeneratave që kanë nje qasje të ndryshme, por plotesues dhe arrin të mbajë ndërtimet e saja në drejtimin e duhur midis tradites dhe inovacionit

Shoqëria “Rruga Ura Asfaltim Nr.2 Elbasan” Sh.a rritet dhe hulumton zgjidhjet e përditëshme për projektet dhe materialin bazë për prodhim, pikë kyçe dhe efektive, për përmbushjen e nevojave të konsumatorit në aspektin e cilësisë, funksionalitetit, qëndrueshmërisë, kostove dhe kohës së realizimit dhe i suportuar nga një staf i specializuar dhe i trajnuar për të dhënë efiçencë të lartë

Çfarë ofron

-Infrastrukture

Vepra qe i kane rezistuar viteve

Ndërmarrja “Rruga Ura” është krijuar menjëherë pas çlirimit të vendit, ku fillimet i ka qysh nga viti 1969, si një domosdoshmëri për ndërtimin dhe rikonstruksionin e shumë veprave rrugore dhe urave të shkatërruara nga lufta e II-të botërore. Sot Shoqëria “Rruga Ura Asfaltim nr.2 numëron mbi 23-vite eksperiencë. Me vepra infrastrukturore që mbajnë autorësinë e kompanisë, të cilat i kanë rezistuar viteve dhe kanë krijuar besimin tek emri i kompanisë. Me mbi 1200 km rrugë nacionale dhe ndërqytetëse mbajnë autorësinë e kompanisë tonë

-Ndertime Civile

Duke nisur nga viti 2006 kompania u fokusua edhe në ndërtimin e objekteve civile duke ndërtuar komplekse dhe ndërtesa me një kapacitet të konsiderueshëm. Synimi kryesorë ishtë plotësimi i të gjitha standarteve europiane të ndërtimit dhe në koherencë të plotë me kërkesat e tregut, sa i përket projektimit dhe cilësisë.

-Vepra Hidroenergjitike

Investime ne energji

Kompania Rruga Ura Asfaltim nr 2 ka nisur investimet e saj në fushën e veprave hidronenergjitike. Aktualisht janë në fazën e avancuar dy projekte HEC-esh, “HEC KULOTË” dhe “HEC TËRFOJË”.

HEC KULOTA

Rajoni në të cilin do të ndërtohet “HEC KULOTA” gjendet në zonën malore veri- lindore të Shqipërisë dhe pranë kufirit Shqiptaro - Maqedonas. Ky rajon përfshin malet që kalojnë ne lindje të luginës së Drinit të Zi si dhe të vargmaleve Lume dhe Korab.

HEC TËRFOJE

Zona në të cilin do të ndërtohet “HEC TËRFOJE” gjendet në Komunën Grykë-Çajë pjesë e Bashkisë Kukës me qendër fshatin Fshat që shtrihet ndërmjet dy lumenjve që derdhen në Drinin e zi.

-Skrap & Hekur

Kompani kryesore ne mbledhjen e skrapit

Tregetim Skrapi & Hekuri

Është një nga kompanitë kryesore në mbledhjen e skrapit ne territorin shqiptar dhe falë divizionit të transportit, me një numër të konsiderueshëm kamionësh të vënë në dispozicion, arrin të jetë konkurruese në treg. Korrektësia dhe bashkepunimi me çdo pikë të vogël mbledhëse nga ana e kompanisë ka sjellë krijimin e raporteve dhe besueshmërisë ndërmjet palëve.

-Asfaltobeton | Inerte | Beton

AlbStone është një nën-kompani e kompanisë mëmë Rruga Ura që merret me prodhimin e Asfalto-Betonit dhe Inerteve për perdorim vetjak dhe për shitje tek të trete. Nje treg i konsoliduar tashmë prej vitesh si në Elbasan dhe rrethet po ashtu dhe në Tiranë, Durrës etj. Me linjat moderne dhe me standarte Europiane, Albstone ofron shërbime të shpejta, korrekte dhe me cilësi. Me një kapacitet të fuqishëm në makineri dhe linja prodhimi Albstone është kthyer në një emër që associohet me cilesinë në fushën e ndërtimit. Gjithashtu Albstone në vitet e fundit është zhvilluar dhe në sektorin e shërbimit.

-Thermalite - materiale termoizoluese

Objektivi i Thermalite është të ofrojë zgjidhjet më të mira për izolim me standarte, materiale cilësore të testuara në laborator duke ju siguruar klienteve; cilësi, asistencë teknike dhe çmime konkurruese. Me teknikët e specializuar në fushën e ndërtimit, Thermalite siguron termoizolimin e të gjithë ndërtesës tuaj në kohë rekord, me standard të lartë dhe çmim konkurrues në treg.