Cfare duhet te dini kur blini nje shtepi, Keshilla nga Inovess Construction

Procesi i blerjes së një shtëpie ka një rëndësi të veçantë ekonomike dhe emocionale për familjen. Në të tilla raste, konsultimi me specialist të fushës është i këshillueshëm, por ndërkohë Inovess Construction ju vjen në ndihmë për ta bërë më të lehtë procesin e kërkimit.

1. Vlerësoni çmimin real në treg.

Çmimet për një shtëpi, variojnë në bazë të zonës si dhe specifikave që shtëpia ka. Në një kërkim të thjeshtë, vërehet që diferencat në çmim edhe për variabla të njëjtë matës janë të mëdha. Në këto kushte është e rëndësishme të këshilloheni me specialist të fushës, ku bazuar në eksperiencën e tyre, mund të merrni një vlerësim real çmimi. Mos harroni në çdo rast, që një kërkim i mirë në internet për të vlerësuar paraprakisht çmimet do t’ju ndihmonte.

2. Zgjidhni cilësi ndërtimi mbi mestaren.

Kur marrim hapin e madh të blerjes së një shtëpie, presupozojmë një qëndrim afatgjatë në të, ndaj element shumë i rëndësishëm në përzgjedhje është edhe cilësia e ndërtimit (ku do të përfshihen të gjitha materialet teknike të ndërtimit). Referuar tregut, cilësia e ndërtimit duhet të jetë mbi mesataren e përdorur deri më tani në Shqipëri, ku elementët kryesor që duhet të keni në fokus janë termoizolimi dhe hidroizolimi. Cilësia e ndërtimit, automatikisht përkthehet në kosto për klientin blerës.

3. Zgjidh cilësi të lartë termoizolimi për kursim energjie elektrike.

Termoizolimi tashmë shihet si një domosdoshmëri për ambientet e shtëpive tona. Ekspertët këshillojnë që në rastet e blerjes së një shtëpie, termoizolimi duhet të jetë një kusht! Teknikisht, termoizolimi shërben për mbajtjen e temperaturave konstate në shtëpi, gjë e cila përkthehet në kursim energjie. Kontrolloni cilësinë e vetratave, izolimin e mureve të jashtme.

4. Hidroizolim cilësor.

E ndërsa flasim për kushtet e domosdoshme që duhet të plotësojë një shtëpi, padiskutim kemi në fokus edhe hidroizolimin, pasi lagështira është ndër elementët më të dëmshëm për shëndetin e pjestarëve të familjes. Sigurohuni që muret e jashtme, tubacionet e shkarkimit, tavanet, janë të hidroizoluar me cilësi dhe kanë garanci në vite.

5. Zgjidh një organizim funksional.

Të pasurit e një shtëpie të mirë oganizuar, përkthehet në efiçencë dhe efektivitet në të jetuarin e përditshëm.

Kujdesuni që ambienti për të cilin do të investoni të mos ketë kollona në qëndër të shtëpisë të cilat pengojnë në riorganizimin e saj. Ambientet të jenë të ndara qartësisht për t’u përshtatur me nevojat e familjes, por edhe të jenë të manovrueshme në një moment të dytë.

6. Kërko mundësi parkimi në zonë.

Kur nisim kërkimet për blerjen e një shtëpie është e rëndësishme të tregojmë kujdes edhe për parkimin. Idealja do të ishte blerja e parkimit në të njëjtin objekt, por nëse nuk është e mundur, të paktën kontrolloni nëse zona përreth ju ofron një mundësi parkimi.

7. Zgjidh një pronë pranë shërbimeve dhe faciliteteve të nevojshme për ty.

Secili prej nesh ka nevojat dhe stilin e tij të jetës, e në përputhje me të, duhet të zgjedhësh investimin në një pronë pranë një zone e cila mund të ofrojë akses në shërbimet bazë. Më e rëndësishmja do të ishte zgjedhja e një prone me akses në linjat e transportit publik.

8. Orientim drejt diellit.

Është shumë e rëndesishme që shtëpia të jetë e orientuar drejt diellit, kjo jo vetëm për shkak të dritës që i ofron shtëpisë, gjë që e bën edhe më të bukur estetikisht dhe rrit frymën e optimizmit tek pjesëtarët e saj, por edhe sepse drita e diellit konsiderohet si një ndër elementët më të mirë të dezinfektimit natyral.

9. Egzistenca e ballkonit.

Pasja e një ballkoni në shtëpi, është shumë e rëndësishme, kjo edhe sipas profesionistëve!

Ballkoni në shtëpi ëshë i rëndësishëm jo vetëm sepse rrit në metra katror sipërfaqen e shtëpisë dhe të krijon idenë se ke një shtëpi të madhe, por edhe sepse të gjithë e kemi të nevojshme një hapësirë që të shërbejë si oaz çlodhjeje, ku mund të ulesh të lexosh diçka në ajër të freskët apo edhe të shijosh kafen ose çajin në shoqerinë e familjarëve!

10. Ajrosja dhe dritare normale.

Ajrosja e shtëpisë është ndër elementët kryesor, ndaj specialistët këshillojnë dritare të përmasave normale në mënyrë që të hyjë dhe dalë ajri! Një shtëpi me dritare të vogla nuk është e këshillueshme, pasi aromërat e krijuara në ambient, p.sh aromërat e gatimeve etj, do të qëndrojnë në hapësirat e shtëpisë, duke e bërë qëndrim aspak të rehatshem!

11. Siguria ligjore

Nëse është në proces ndërtimi, zgjidhni me kujdes ndërtuesin, pasi siguria për përfundimin e saj është e para.

Pasja e një shtëpie pa dokumentacionin përkatës, ju përjashton ju nga titulli “pronar” për të cilën ju keni investuar kursimet e jetës! Ndaj kujdes, duhet të keni parasysh se përpara se të vendosni ta blini pronën, ju duhet të pyesni nëse ka përfunduar apo jo procedura e nxjerrjes së çertifikatës së pronësisë!

*E së fundmi, eksperienca ka treguar se shtëpia ideale, është ajo shtëpi, e cila në momentin e parë që ti e sheh, e ndjen se duhet të bëhet e jotja!

Kliko mbi logo per kontaktet e kompanisë Inovess shpk 

Më të lexuarat