Secondary Adv

Rehabilitimi i lumit te Gjanices ne Fier | Bashkia Fier | 2014

Projekti më i madh për Fierin, janë mbi 200 objekte për tu prishur, proces që sipas burimeve do të fillojë në datën 1 tetor. “Të gjitha ndërtimet me dhe pa leje që ndodhen në të dyja anët e lumit Gjanicë do të hidhen përtokë pasi do të fillojë zbatimi i projektit për reabilitimin e lumit Gjanicë si dhe ndërtimin e shëtitoreve në të dyja anët e këtij lumi”. Kjo ka qënë deklarata e kryebashkiakut Baftjar Zeqo e bërë në një konferencë për shtyp.

 


Ndërtimet anash të dy krahëve të lumit Gjanicë do të prishen me dhe pa leje. Zeqo sqaroi se godinat që kanë hipotekë apo që janë në process legalizimi edhe ato do të prishen por që me vendim qeveria ato do të shpronësohen. Një gjë është e qartë Gjanica do të marrë tjetër pamje, qyteti do të ketë tjetër gjallëri, Fieri do të kthehet në një qytet europian, ka pohuar Zeqo. Gjatë kësaj dalje për median kryebashkiaku ka pohuar se zbatimi i projektit për rehabilitimin e lumit Gjanicë do të kryhet nga një kompani kineze. Kjo kompani në afërsi të ish azotikut do të ndërtojë një impiant për pastrimin e ujrave të ndodtur që vijnë nga lumi Gjanicë që nga fshati Aranitas në rrethin Mallakastër. Pasi të përpunohen ujrat e të pastrohen ato do të riderdhen në shtratin e lumit Gjanicë por tashmë të pastërta.

 


Ndërtimi i shëtitoreve nga të dyja anët e këtij lumi do të vijojnë nga kompleksi “Apollon” e deri në vëndin e qujatur “VIja e ngjalës”. Në të dyja anët e lumit më parë do të sistemohen ujrate zeza dhe të bardha , kabujt elektrik, internet television në tubacione nëntokësor. Ujrat e bardha e të zeza të sistemuara do të derdhen me anë të tubacioenve të vecuara pas “Vijës së ngjalës”. Realizimi i këtij projekti , ka pohuar kryebashkiaku Zeqo do ti japi një frymëmarrje tjetër qytetit, do të bëjë atë më modern. Ky projekt do të kap vlerën e 50 milion eurove në zbatim.


Studimi urbanistik shtrihet përgjatë anëve të lumit Gjanica në Fier, me një sipërfaqe rreth 209 ha. Ana veriore e lumit është tashmë zonë me banesa rezidenciale e për këtë arsye ne kemi propozuar që pjesa lindore të zhvillohet me banesa 3 katëshe e pjesa perëndimore jo më shumë se 5-8 kate. Në anën jugore të lumit kemi përcaktuar zonën e rekreacionit të qytetit me nënndarje si më poshtë.

 


1-Kopshti botanik prej 71300 m2, vendosur në anën perëndimore. Kopshti ka parcela të ndryshme, pemë, sera dhe shumë basene ujore.
2-Parku sportiv prej 140'000 m2, vendosur në anën lindore të lumit me pista për biçikleta,
makina elektrike, kanoa, patinazh në akull, futboll, basketboll, vollejboll e tenis.
3-Parku social kulturor prej 100'000 m2, vendosur në pjesën lindore të lumit me amfiteatër të hapur, ekspozitë për artet, tendë cirku, sallë kinemaje, park lojrash për fëmijë, bar e restorant.
4-Park lojrash për fëmijë prej 13'500 m2.
5-Park për të moshuar prej 10'000 m2.



Studimi urban
Emri: Arkimade
Adresa: Rruga Himë Koll , Ndertesa Nr24, Hyrja Nr9 , Ap 14, Tirane, Albania
Tel: +355 4 45 02 890
Cel: +355 68 20 56 076; +355 69 20 56 076
E-mail: arkimade@arkimade.com
Web: https://www.lajmetari.info/arkimade/index.php/sq/

Informacione
Emri: Bashkia Fier
Adresa: Rruga Ramiz Aranitasi, Fier, Albania
Tel: +355 34 222 034; +355 34 410 612 ose +355 34 410 636
E-mail: webmaster@bashkiafier.gov.al
Web: www.bashkiafier.gov.al

Me shume projekte ne Shqiperi