Kërko

Rezidenca Porta e Gjelber | Orion Construction | 2019

I përfunduar

Shfaq kontaktet

Dergoji email
kompanise

RRETHUAR NGA NATYRA

Porta e Gjelbër është një rezidencë banimi ekskluzive me vetëm 39 familje në 8,190m² truall. Gjelbërimi, kopshtet dhe hapësirat publike zënë 80% të sipërfaqes së truallit, ndërsa ndërtimi vetëm 20% të tij.

Rezidenca e banimit Porta e Gjelber Orion Construction

KONCEPTI

Fokusi i këtij projekti është jetesa në natyrë që i ofrohet banorëve në formën e kopshteve private dhe intime duke krijuar njëkohësisht edhe hapësira publike për jetën në komunitet. Stili arkitektonik është klasik, i thjeshtuar nga elementet e tepërt të dekorit, frymëzuar nga Toskana dhe ndërtesat me stilin më të spikatur ndër shekuj.

POZICIONIMI

Projekti e merr emrin nga vendndodhja ekskluzive buzë Kurorës së Gjelbër të Tiranës (Parkut të Madh të Liqenit), i konceptuar si një portë hyrëse drejt qytetit duke qënë njëkohësisht një zgjatim privat i kësaj hapësire publike. Kjo vendndodhje është vlerësuar si një nga pikat më të bukura të qytetit që në studimet e para urbanistike dhe jo rastësisht Pallati i Brigadave është i pozicionuar pikërisht këtu.

STRUKTURA

Rrethuar hijshëm me elemente arkitektonike dhe gjelbërim, rezidenca do të ketë një hyrje-dalje të kontrolluar ku do të pozicionohet zyra e shërbimeve ndihmëse. Disniveli që krijohet mes oborreve dhe rrugës krijon privatësinë e nevojshme për kopshtet. Përveç oborreve dhe kopshteve të mëdha, janë krijuar dhe dy hapësira të konsiderueshme rekreative për fëmijët dhe të rriturit.

SHËRBIME

Për të garantuar cilësinë më të lartë të jetës në komunitet, përfshihet shërbimi i mirëmbajtjes, i sigurisë dhe concierge.

SIGURIA

Shërbimi i sigurisë private dhe survejimit ofrohet 24 orë në ditë gjatë 365 ditëve të vitit, i ofruar nga kompani të certifikuara.

FINANCIMI

Orion ofron financim të investimit nga bankat partnere duke ofruar kolateralin e kompanisë.

GJELBËRIMI

Një pemë për çdo banor! Porta e Gjelbër rrethohet nga natyra në 360 gradë, duke u kufizuar kështu me Pallatin e Brigadave dhe me Parkun e madh të Liqenit, me pamje nga kodrat e Petrelës dhe Mali i Dajtit. Rezidencë e frymëzuar nga natyra dhe shkalla njerëzore, ku çdo element është konceptuar të përcjellë qetësi, komfort e siguri tek banorët.

TEKNOLOGJIA

Porta e Gjelbër ka një qasje të fortë ekologjike, e cila përfshin përzgjedhjen e materialeve më të mira dhe investimin në sisteme avantgarde të burimeve të energjisë së rinovueshme. Përtej të dukshmes, komforti është ndjesia që do t’ju dhurojë çdo element dhe detaj i ndërtesës dhe i shtëpisë suaj, për të garantuar ekselencë absolute.

APARTAMENTE PREMIUM

Rezidenca ka gjithsej 34 apartamente elitare të vendosura në 5 objekte 3 katëshe të cilët kanë kryesisht 2 apartamente në kat.

VILA BI-FAMILJARE

Vilat bi-familjare aksesohen nga rruga drejt oborrit të pasëm ku vendosen dy postet e parkimit të mbuluara me struktura të lehta. Në katin përdhe vendoset zona e ditës me hapësirën e ndenjes dhe ngrënien ceremoniale të cilat ndahen nga kuzhina dhe tualeti.