![Nete qendrimet, Shqiperia vendi i pare ne Europe me rritjen me te larte ne tre muaj Nete qendrimet, Shqiperia vendi i pare ne Europe me rritjen me te larte ne tre muaj](images/news/turiste nete qendrime shqiperiu vendi pare.jpg)
Masterplani i Qytetit Studenti, miratohet granti prej 4.5 milion euro qe do ta transformoje
Në mbledhjen e djeshme të Komisionit të Ekonomisë, u miratua një grant prej 4.5 milionë eurosh për rehabilitimin e godinave të Qytetit Studenti, në mënyrë që të kursehet më shumë energji.
Zëvendësministri i Ekonomisë, Ilir Bejtja, tha se aktualisht në vend humbet rreth 15% e energjisë për shkak të ndërtimeve jo eficente. “Deri më sot, ne humbasim 14-15% për shkak të ndërtimeve joeficente për sa i përket konsumit të energjisë”, deklaroi Bejtja. Mirëpo, opozita e kundërshtoi këtë financim, pasi sipas tyre, është e kotë të shpenzohen kaq shumë para për lyerje fasadash. “Ditët e fundit, kam qenë në Kukës, Has dhe në Tropojë dhe lyerja e fasadave po transferohet edhe në këto qytete. Atje njerëzit kanë një problem të madh. Nuk kanë çfarë të hanë dhe të shkosh t’u lyesh fasadat është ironi e madhe me qytetarët. Prandaj të mos i keqpërdorim këto lloj projektesh, siç është projekti i eficencës. Të bëjmë rishikim të buxhetit, sepse 80 milionë dollarë në buxhetin e këtij viti janë parashikuar të shkojnë vetëm për fasada”, u shpreh deputeti i Partisë Demokratike, Sherefedin Shehu. Argumentim që sipas kryetarit të Komisionit të Ekonomisë, Erion Braçe, projekte të tilla nuk janë thjesht lyerje fasadash, por shumë më të rëndësishme. Për rrjedhojë, pavarësisht kundërshtimit, opozita votoi pro projektligjit për rehabilitimin e godinave të Qytetit Studenti.
Një vit më parë, “Baukuh Lists Abcons”, ishte kompania që u shpall fituese për tjetërsimin e kampusit të Qytetit Studenti. Modeli i projektit fitues është anglosakson, sipas kampusit të Universitetit të Virxhinias. Masterplani në thelb parashikon ndërtimin e një rezidencë të re për studentët dhe rehabilitim të të gjitha ambienteve ekzistuese. Juria ishte e përbërë nga arkitektë të huaj dhe vendas, apo edhe përfaqësues nga planifikimi urban dhe politikëbërës. Siç u komunikua, 1 vit më parë, projekti fitues bazohet tek angazhimi për vëzhgimin e ndryshimeve urbane sapo ato shfaqen, dizajni dhe një strategji konkrete veprimi, duke shfrytëzuar të gjitha asetet në dispozicion dhe duke bashkuar të gjitha subjektet së bashku. Konkursi ndërkombëtar për “Master Planin e Qytetit Studenti” u lançua nga Ministria e Zhvillimit Urban, Ministria e Zhvillimit Ekonomik, Turizmit, Tregtisë dhe Sipërmarrjes, Agjencia Kombëtare e Planifikimit të Territorit dhe Atelier Albania. Ky ishte vetëm një prej zinxhirëve të konkurseve ndërkombëtare, që qeveria shqiptare ka çelur për të vazhduar programin kombëtar të Rilindjes Urbane. Në atë kohë, vetë kryeministri Edi Rama, tha se nga mënyra se si është menaxhuar ky qytet, situata ka degraduar, për këtë arsye shprehu publikisht zotimin e tij për transformimin e këtij qyteti që strehon, për çdo vit, mijëra studentë. Masterplani fitues i Qytetit Studenti, u përzgjodh nga një juri, prej 9 anëtarësh e kryesuar nga numri dy i qeverisë, Niko Peleshi, ndërsa vlerësimi erdhi pas studimit të 8 projekteve dhe llogaritjes së kostos së secilit prej tyre.
Në konkurs morën pjesë 35 studio të njohura shqiptare dhe të huaja. Në platformën e shpalosur nga qeveria, muaj më parë, u theksua se konkursi ndërkombëtar u shpall me qëllim përmirësimin e ndërtimeve ekzistuese të Qytetit Studenti, shtimin e ndërtimeve të reja, përmirësimin e kushteve të banesës studentore dhe jetës social-kulturore në këtë kampus rezidencial. Gjithashtu u fol për angazhimin në përmirësimin e hapësirave kolektive dhe publike të kampusit, përcaktimin e kufijve të qartë të tij dhe ndarjen përfundimisht të kampusit nga zona e ndërtimeve informale. Konceptet bazohen në parimet që gjenerohen duke kuptuar veçantitë e zonës, kërkesat dhe karakteristikat e banorëve të saj, si dhe nga përvojat e vendeve të tjera. Çdo zgjidhje duhet përshtatur me kontekstin lokal, duke vendosur standarde të larta të projektimit. Ato duhet të përcaktojnë edhe një model të zbatueshëm në territore të tjera të ngjashme, në funksion dhe tipologji, që kanë të njëjtën urgjencë për të ofruar hapësira dhe shërbime të bazuara në cilësi. Disa prej të dhënave, të bëra publike më herët nga kompania fituese. Në atë kohë, u tha gjithashtu se Master plani i Qytetit Studenti studion dhe propozon edhe një qëndrim ndaj ndërtimeve informale. Bazuar në hallkat kyçe që u është kërkuar konkurrentëve, masterplani mund të pranojë si të tillë gjendjen ekzistuese të infomalitetit në periferitë e Qytetit Studenti dhe të krijojë një komunikim programatik me këtë realitet, ose të radikalizojë qëndrimin duke propozuar pastrimin e territoreve të pushtuara të Qytetit Studenti dhe rialokimin e banorëve të zhvendosur në struktura të tjera të propozuara. Gjithashtu, brenda kampusit të Qytetit Studenti, në pjesën e fushave të sportit është parashikuar vite më parë edhe ndërtimi i një kompleksi me fakultete të Universitetit të Tiranës. Detaje, që do të zhvillohen në vijim.
Më të lexuarat
![Nete qendrimet, Shqiperia vendi i pare ne Europe me rritjen me te larte ne tre muaj Nete qendrimet, Shqiperia vendi i pare ne Europe me rritjen me te larte ne tre muaj](images/news/turiste nete qendrime shqiperiu vendi pare.jpg)
![Nis zbatimi i regjimit te lire te trafikut nderkufitar mes Shqiperise e Kosoves Nis zbatimi i regjimit te lire te trafikut nderkufitar mes Shqiperise e Kosoves](images/news/kosove shqiperii kontroll kufitar.jpg)
![INSTAT: Rrogat ne privat, rreth 24 per qind me te ulta se shteti INSTAT: Rrogat ne privat, rreth 24 per qind me te ulta se shteti](images/news/pagat shteti privati instat.jpeg)
![Rama: Gara per ndertimin e aksit Milot-Balldren hapet brenda muajit Rama: Gara per ndertimin e aksit Milot-Balldren hapet brenda muajit](images/news/rama milot balldren tenderi fund muaji.jpg)
![Energjia per aeroportin e Vlores, OST tender 427 mln leke, nenstacion dhe linje e re elektrike Energjia per aeroportin e Vlores, OST tender 427 mln leke, nenstacion dhe linje e re elektrike](images/news/aeroporti vlore tendes ost fondi limit.jpg)
![Detyrimet e pambledhura te bashkive: KLSH: Qindra miliona leke te pa arketuara Detyrimet e pambledhura te bashkive: KLSH: Qindra miliona leke te pa arketuara](images/news/klsh borxhet bashkite te pambledhura.jpeg)
![BB: Ekonomia shqiptare duhet te orientohet drejt eksporteve, jo ne ndertim e konsum BB: Ekonomia shqiptare duhet te orientohet drejt eksporteve, jo ne ndertim e konsum](images/news/banka boterore shqiperia ekonomia.jpg)
![Ndryshojne rregullat per vaksinimin e femijeve, procedurat online Ndryshojne rregullat per vaksinimin e femijeve, procedurat online](images/news/vaksina femije procerua online ealbania.jpg)
![Perfundon kontrata e markimit te karburanteve, sherbimi kalon tek Doganat Perfundon kontrata e markimit te karburanteve, sherbimi kalon tek Doganat](images/news/kontrata e karburanteve sherbimi dogana.jpg)
![Hyn ne fuqi udhezimi per karten e posacme te policeve, ushqime deri ne 10 per qind me lire Hyn ne fuqi udhezimi per karten e posacme te policeve, ushqime deri ne 10 per qind me lire](images/news/policia shtetit karta vendim zyrtar.jpg)