![Kreditimi ne nivele rekord, rritet me 50 per qind ne muajin prill Kreditimi ne nivele rekord, rritet me 50 per qind ne muajin prill](images/news/kreditimi ne nivele rekos prill.jpg)
Cmimet e apartamenteve ne qender te Tiranes, nder me te shtrenjtat ne rajon
Me rritjen e pritshme me rreth 100-120 euro për metër katror, çmimet e apartamenteve në qendër të kryeqytetit shqiptar pritet të bëhen ndër më të shtrenjtat në rajon, së bashku me Beogradin dhe Podgoricën.
Aktualisht, çmimet e apartamenteve brenda Unazës në Tiranë variojnë nga 1200-2000 euro për metër katror, por ka dhe disa zona që janë shtrenjtuar ndjeshëm. Arben Dervishi, sekretar i Shoqatës së Ndërtuesve, thotë se edhe aktualisht në zonën e televizionit shqiptar, çmimi i apartamenteve ka arritur në 3,000 euro për metër katror. Kjo pjesë e Tiranës është e preferuar, pasi është në qendër dhe nuk është e mbipopulluar nga ndërtimet, duke u bërë një zonë më elitare.Kërkesa për shtëpi në qendër, sipas tij, është gjithnjë e lartë, ndaj qendrës nuk pritet t’i bjerë ndonjëherë vlera dhe me shtimin e pritshëm të ndërtesave të larta me planin e ri rregullues.
Ndërtuesit kanë paralajmëruar një rritje të çmimeve me 50-120 euro për metër katror si rrjedhojë e dyfishimit të taksës së ndërtimit në infrastrukturë (nga 4% e kostos në 8% të çmimit të shitjes).Aktualisht, nivelin më të lartë të çmimeve në rajon për qendrën e ka Beogradi, me mesatarisht 2000 euro për metër katror, por për hyrjet luksoze arrin edhe në 4000 euro, sipas Eurobank Property Services. Çmime mes 1500-2000 euro/m2 ka dhe Pogdorica.
Çmimet e apartamenteve në Tiranë po bëhen të krahasueshme me ato të Athinës, kryeqytetit grek, që si rrjedhojë e krizës në shtetin helen ka parë rënie të vazhdueshme të vlerës së apartamenteve.
Sipas Eurobank Property Services, në Greqi, në vitin 2015 çmimet e banesave rezidenciale (duke iu referuar kryesisht apartamenteve) në nivel kombëtar kanë pësuar një rënie kumulative prej 38,2%, duke filluar nga viti 2008. Çmimi mesatar i një shtëpie në Athinë ka zbritur nga rreth 170 mijë euro në 2007-n, në më pak se 100 mijë euro në 2015-n. Sipas Numbeo, një apartament në qendër të Athinës e gjen edhe me 1500 euro për metër katror.
Në rajon, më i lirë mbetet kryeqyteti i Maqedonisë, ku çmimet po bien që prej vitit 2011, pas një rimëkëmbjeje të shkurtër në 2010-n. Në Shkup, çmimi mesatar i banesave ra me 1.8% në 2015-n në MKD 52,916 (USD 963) për metër katror, në raport me vitin e mëparshëm, sipas Institutit Maqedonas të Statistikave.Në Sarajevë, çmimet mesatare të apartamenteve në qendër janë rreth 1400 euro/m2.
Periferia, më e lira në rajon
Ndryshe nga qendra, zonat në periferi të kryeqytetit shqiptar janë dukshëm më të lira se periferia e rajonit, ku një apartament kudo në Mal të Zi, Maqedoni, Kosovë, nuk e gjen më pak se 650-800 euro për metër katror, ndërsa në rrethinat e Tiranës ka dhe apartamente me 400-450 euro për metër katror. Ndërtuesit pohojnë se shkak për këtë është infrastruktura e keqe, teksa pallatet janë ndërtuar pa plan, nuk ka hapësira (lulishte apo ambiente të përbashkëta), rrugët janë të ngushta dhe madje në disa zona ato furnizohen me ujë pusi.Në periferinë e kryeqytetit serb, në Beogradin e ri, p.sh., çmimet luhaten në 1200-1700 euro për metër katror, por kjo zonë ka apartamente cilësore, rrugë të gjera dhe infrastrukturë funksionale e hapësira për banorët.
Taksat që po shtrenjtojnë apartamentet në kryeqytetin shqiptar
Objektet e reja që do të ndërtohen këtë vit do të paguajnë 8% të çmimit të shitjes së objektit. Kjo taksë deri në fund të vitit 2015 ishte 4% mbi koston e ndërtimit.Dyfishimi nga 4 në 8%, por edhe ndryshimi i bazës së llogaritjes nga kosto në çmimin e shitjes ka rritur ndjeshëm barrën fiskale. P.sh., një ndërtues, që shet apartamente me 900 euro/m² dhe ka kosto ndërtimi prej 500 euro/m², më parë paguante taksë infrastrukture 20 euro/m² (500 euro/m2*0.04), ndërsa tani do të duhet të paguajë 72 euro/m² (900 euro/m2*0.08), apo 3.6 herë më shumë.
Për shkak të bllokimit të lejeve të ndërtimit në 2016-n, kjo taksë pritet të japë efektin në 2017-n. Ndonëse kjo duhet të ketë efekt vetëm te ndërtimet e reja, ndërtuesit paralajmërojnë se do të reflektohet në gjithë tregun, ndonëse jo me të njëjtat ritme.Ndërkohë, në 2016-n u shënua një shtrenjtim i apartamenteve në 6-mujorin e parë (1% në tremujorin e parë dhe 5% në të dytin sipas indeksit të Çmimeve të Banesave të Bankës së Shqipërisë), si reflektim i barrës së shtuar fiskale, si dyfishimi i tarifës së pastrimit apo dhe aplikimi i taksës së banesës mbi inventarët. Tani ndërtuesit paguajnë taksën e banesës për objektet e përfunduara, të cilat ende nuk janë shitur. Në Tiranë, ndërtuesit posedojnë stok për shkak të kërkesës të dobët, ndaj tatimin e kanë përfshirë në çmimet finale të banesave.
Një tjetër ndryshim fiskal ka ndikuar në rritjen e kostos së ndërtuesve vitet e fundit. Kompanitë tregojnë se ligji nr. 1129, datë 5.8.2008 “Për mënyrën e përcaktimit të vlerës së truallit, të vënë nga pronarët e tij, në dispozicion të investitorëve të ndërtimit”, nuk njeh më pjesën e kontratës së shkëmbimit me pronarin e truallit. Firmat e ndërtimit duhet që truallin ta fusin si shpenzim, ndërkohë që pjesën e shkëmbimit që i japin apartamente pronarit, duhet ta kalojnë me çmimin e shitjes, në bazë të tabelës me referencat e tregut. Kjo kalon automatikisht në të ardhur. Marzhi mes çmimit të referencës së truallit me çmimin e shitjeve të zonave është diferencë e madhe, pohojnë ata, ndaj dhe konsiderohet një nga arsyet që do të rritet çmimi për blerësin fundor.
Më të lexuarat
![Kreditimi ne nivele rekord, rritet me 50 per qind ne muajin prill Kreditimi ne nivele rekord, rritet me 50 per qind ne muajin prill](images/news/kreditimi ne nivele rekos prill.jpg)
![Kursimet ne leke renie per te tretin muaj, rriten me 100 mln euro ato ne valute Kursimet ne leke renie per te tretin muaj, rriten me 100 mln euro ato ne valute](images/news/kursimet ne euro rritje maj.jpg)
![Realizohen rreth 70 per qind e punimeve ne lotin e 7 te Unazes se Madhe Realizohen rreth 70 per qind e punimeve ne lotin e 7 te Unazes se Madhe](images/news/loti 7 i unazes punimett.jpg)
![Shperndahet parlamenti britanik, nis zyrtarisht fushata zgjedhore Shperndahet parlamenti britanik, nis zyrtarisht fushata zgjedhore](images/news/parlamenti shperndahet uk.jpg)
![Perfundon kategorizimi, rritet cmimi i energjise per 70 per qind te furrave Perfundon kategorizimi, rritet cmimi i energjise per 70 per qind te furrave](images/news/rritet energjia per 70 per qind.jpg)
![17.1 per qind e vendeve te punes ne administrate bosh ne 2023, ja arsyet 17.1 per qind e vendeve te punes ne administrate bosh ne 2023, ja arsyet](images/news/vendet e punes bosh ne administratee.jpg)
![Korriku me paga 900 euro per administraten, paralajmerohet rritje dhe per pensionet Korriku me paga 900 euro per administraten, paralajmerohet rritje dhe per pensionet](images/news/rritje pagash per administratenn dhe pensione.jpg)
![Familjet e varfra, Shqiperia dhe Turqia te fundit ne Europe per mbeshtetjen financiare Familjet e varfra, Shqiperia dhe Turqia te fundit ne Europe per mbeshtetjen financiare](images/news/ndihma ekonomike shqiperi turqi renditja.jpg)
![Media britanike: Shqiperia mes 11 vendeve me te mahnitshme per zbulime kulturore Media britanike: Shqiperia mes 11 vendeve me te mahnitshme per zbulime kulturore](images/news/turizmi kulturor shqiperi media britanike.jpg)
![Tregu i sherbimeve postare ra me 10 per qind ne 2023 Tregu i sherbimeve postare ra me 10 per qind ne 2023](images/news/posta shqiptare renie 2024.jpg)