![UNRWA: Me shume se gjysma e Gazes eshte shkaterruar nga lufta UNRWA: Me shume se gjysma e Gazes eshte shkaterruar nga lufta](images/news/gaza e shkaterruar luftaa.jpg)
Bashkite shtojne borxhin, 95 milion USD ne 6 muaj
Bashkitë kanë krijuar një borxh të ri ndaj bizneseve dhe individëve, prej 96 milionë Usd, vetëm në 6 muajt e parë të vitit. Një raport i Ministrisë së Financave, vëren se detyrimet e prapambetura janë shtuar ndjeshëm gjatë pjesës së parë të vitit.
Kjo ndoshta edhe si pasojë e angazhimit të pushtetit vendor, në ndihmë të subjekteve politike gjatë fushatës zgjedhore. Shpesh, kryetarët e bashkive u bënë pjesë e ekzekutivit dhe partive të opozitës (në rastet kur ishin pjesë e opozitës), për të treguar modelet e tyre të suksesit dhe për të bindur votuesit të votonin për partitë që përfaqësonin. Raporti i financave tregon me shifra se borxhi arriti në 9.6 miliardë lekë deri në fund të qershorit.
RAPORTI
Nga përpunimi i të dhënave dhe përditësimi i informacionit nga çdo bashki për periudhën prill-qershor 2017, sipas raporti të financave, rezulton se, “detyrimet e prapambetura të krijuara rishtazi për njësitë vendore deri në qershor 2017, arrijnë në vlerën 9.5 miliard lekë (kryesisht investime, shpenzime për mallra dhe shërbime dhe vendime gjyqësore)”. “Në tremujorin e dytë të vitit 2017, janë krijuar detyrime që kapin vlerën 3.2 miliard lekë (kryesisht investime, shpenzime për mallra dhe shërbime).
Sipas informacionit të njësive të vetëqeverisjes vendore, një pjesë e detyrimeve të krijuara deri në qershor 2017, janë likuiduar dhe ndërkohë pritet likuidimi i plotë i tyre në periudhën në vazhdim. Peshën më të madhe të detyrimeve të reja të krijuara rishtazi e ka bashkia Tiranë me 3.7 miliard lekë.
Këto detyrime janë rezultat i procesit të ristrukturimit dhe shlyerjes të stokut të detyrimeve të prapambetura në tre vjet duke i dhënë përparësi shlyerjes së detyrimeve më të vjetra sipas metodës FIFO dhe pagesës së detyrimeve më të fundit në periudhat pasardhëse, por gjithmonë duke siguruar shlyerjen e plotë dhe qëndrimin korrent brenda 2 viteve të ardhshme.
Deri në qershor të 2017, janë likuiduar 12.2 miliard lekë detyrime (detyrime të krijuara gjatë gjashtëmujorit të parë të vitit 2017, vitit 2016 dhe detyrimet e akumuluara në vite deri në dhjetor 2015). Në tremujorin e dytë të vitit 2017 janë likuiduar rreth 3.9 miliard lekë. Vlera e mbetur, e cila parashikohet të shlyhet në vitin në vazhdim, bazuar në planin e shlyerjes së dërguar nga të gjitha bashkitë në Ministrinë e Financave, është 9.1 miliard lekë.”
Buxheti i ri
Por duket se qeveria, për vitin 2018 do të jetë më bujare me bashkitë. Një dokument i Ministrisë së Financave, për udhëzimin e bashkive për përgatitjen e buxhetit 2018, sqaron fondet që do i shtohen pushtetit vendor. Bëhet fjalë për efektet e para të ligjit të ri “Për financat e vetëqeverisjes vendore”.
Bashkitë do të marrin më shumë para nga buxheti, si dhe do të marrin një pjesë të mirë të taksave që paguhen aktualisht për buxhetin qendror. Urdhri i Ministrisë së Financave, parashikohen që: “sipas përcaktimit të ligjit për financat e vetëqeverisjes vendore, duke filluar nga viti 2018, njësitë vendore përfitojnë 25% të të ardhurave nga taksa vjetore për qarkullimin e mjeteve të përdorura si dhe 2% të të ardhurave nga tatimi mbi të ardhurat personale.”
Gjithashtu, udhëzimi parashikon që “transferta e pakushtëzuar për vitin 2018 do të jetë afërsisht 5 % më e madhe se transferta e pakushtëzuar e buxhetit të vitit 2017”.
Më të lexuarat
![UNRWA: Me shume se gjysma e Gazes eshte shkaterruar nga lufta UNRWA: Me shume se gjysma e Gazes eshte shkaterruar nga lufta](images/news/gaza e shkaterruar luftaa.jpg)
![Raporti global 2024, perkeqesohet hendeku gjinor ne Shqiperi Raporti global 2024, perkeqesohet hendeku gjinor ne Shqiperi](images/news/perkeqesohet hendeku ghinor 2024.jpg)
![Kredite e shpejta drejt fundit, BSH po pergatit rregulloren qe do kufizoje huadhenien Kredite e shpejta drejt fundit, BSH po pergatit rregulloren qe do kufizoje huadhenien](images/news/rregullore per mikrokredittt.jpg)
![Bota ende e papergatitur per pandemine e ardhshme Bota ende e papergatitur per pandemine e ardhshme](images/news/bota papergatirutr pandemi.jpg)
![Veliaj: Kete vere shperndajme banesat e reja per familjet e Kombinatit Veliaj: Kete vere shperndajme banesat e reja per familjet e Kombinatit](images/news/pallatet ne kombinat brenda veres.jpg)
![Monument kulture, nisin punimet perforcuese ne Uren e Zogut Monument kulture, nisin punimet perforcuese ne Uren e Zogut](images/news/restaurimi i ures se zogut ne mat.png)
![Prej 2 muajsh euro ne kufijte e 100 lekeve, priten tre nderhyrje nga Banka e Shqiperise Prej 2 muajsh euro ne kufijte e 100 lekeve, priten tre nderhyrje nga Banka e Shqiperise](images/news/tre nderhzrje nga banka e shqiperiseee bsh.jpg)
![Balluku: Se shpejti hapet gara nderkombetare per Portin e Ri Tregtar ne Durres Balluku: Se shpejti hapet gara nderkombetare per Portin e Ri Tregtar ne Durres](images/news/gara port tregtar dr.jpg)
![Rritet numri i te punesuarve nen 18 vjeç, dominon sektori i sherbimeve Rritet numri i te punesuarve nen 18 vjeç, dominon sektori i sherbimeve](images/news/te rinjte nen 18 sherbim.png)
![Ne korrik 30 vendqendrime avionesh, Et’hemaj: Zgjerohet terminali i Rinasit Ne korrik 30 vendqendrime avionesh, Et’hemaj: Zgjerohet terminali i Rinasit](images/news/zgjerimi i pistes 3 herre.jpg)