Unaza, konfirmohet skandali i kompanise - Gjiknuri: Prishet kontrata, rihapet gara
Dyshimi për falsifikimin e dokumenteve nga një prej kompanive fituese për ndërtimin e segmentit numër 1 të Unazës, është konfirmuar nga autoritetet amerikane.
Ministri i Infrastrukturës Damian Gjiknuri njoftoi për mediat se veç pezullimit të punimeve pak ditë më parë, tashmë është ndërmarrë edhe hapi tjetër; ai i prishjes së kontratës me kompaninë në fjalë dhe ka nisur procedurat e sekuestrimit të garancisë prej 10 %. “Në bazë të përgjigjeve të ardhura dje rezulton se nga institucionet e sipërpërmendura, një pjesë e dokumentacionit të paraqitur nga kompania nuk është e saktë, është e falsifikuar. Janë të dhëna të rreme, janë të dukshme se një pjesë nuk ekzistonte në regjistrat tregtarë sikurse ishte paraqitur në autoritetet shqiptare. Pas marrjes së këtij konfirmimi Autoriteti Rrugor Shqiptar ka zgjidhur kontratën në fjalë dhe do të fillojë procedurat e sekuestrimit të garancisë që ka një vlerë 10 % të kontratës” tha ministri. Të njëjtat hapa janë ndërmarrë edhe për një kontratë tjetër që kishte fituar kompania me Operatorin e Sistemit të Transmetimit. Nga ana tjetër, ministri tha se ka nisur një proces hetimor në Shqipëri dhe në Shtetet e Bashkuara të Amerikës. Po ashtu, ministri tha punimet për Unazën e re të Tiranës do të vijojnë në segmentet e tjera e ndërkohë do të rihapet gara për segmentin ku janë pezulluar punimet. Gjithashtu ministri tha se shumë shpejt do të dalë edhe Vendimi i Këshillit të Ministrave për të shpronësimet që do të bëhen në kuadër të projektit./Scan
Ministri i Infrastrukturës Damian Gjiknuri njoftoi për mediat se veç pezullimit të punimeve pak ditë më parë, tashmë është ndërmarrë edhe hapi tjetër; ai i prishjes së kontratës me kompaninë në fjalë dhe ka nisur procedurat e sekuestrimit të garancisë prej 10 %. “Në bazë të përgjigjeve të ardhura dje rezulton se nga institucionet e sipërpërmendura, një pjesë e dokumentacionit të paraqitur nga kompania nuk është e saktë, është e falsifikuar. Janë të dhëna të rreme, janë të dukshme se një pjesë nuk ekzistonte në regjistrat tregtarë sikurse ishte paraqitur në autoritetet shqiptare. Pas marrjes së këtij konfirmimi Autoriteti Rrugor Shqiptar ka zgjidhur kontratën në fjalë dhe do të fillojë procedurat e sekuestrimit të garancisë që ka një vlerë 10 % të kontratës” tha ministri. Të njëjtat hapa janë ndërmarrë edhe për një kontratë tjetër që kishte fituar kompania me Operatorin e Sistemit të Transmetimit. Nga ana tjetër, ministri tha se ka nisur një proces hetimor në Shqipëri dhe në Shtetet e Bashkuara të Amerikës. Po ashtu, ministri tha punimet për Unazën e re të Tiranës do të vijojnë në segmentet e tjera e ndërkohë do të rihapet gara për segmentin ku janë pezulluar punimet. Gjithashtu ministri tha se shumë shpejt do të dalë edhe Vendimi i Këshillit të Ministrave për të shpronësimet që do të bëhen në kuadër të projektit./Scan
