![UNRWA: Me shume se gjysma e Gazes eshte shkaterruar nga lufta UNRWA: Me shume se gjysma e Gazes eshte shkaterruar nga lufta](images/news/gaza e shkaterruar luftaa.jpg)
Indeksi i kostos se jeteses: Shqiperia me e shtrenjta ne rajon, bie fuqia blerese
Shqipëria dhe Mali i Zi kanë kostot e jetesës më të larta në rajon.
Të dhënat për 6 muajt e parë të vitit 2019 janë publikuar nga portali më i madh i të dhënave Numbeo. Shqipëria renditet në vendin e 9 nga 40 shtete të Europës për 6M1 e 2019-s. Në krahasim me të njëjtën periudhë një vit më parë Shqipëria kostot e jetesës në Shqipëri janë bërë më të shtrenjta. Sipas të dhënave të Numbeo-s, për gjashtë muajt e parë të vitit të kaluar Shqipëria renditej në vendin e 6 nga 40 shtete të Europës, duke lënë pas vende si Kosova, Maqedonia, Moldavia, Ukraina dhe Bjellorusia. Kështu Shqipëria për vitin 2019 u bë më shtrenjtë se Serbia dhe Bosnje dhe Hercegovina, ku së bashku me Malin e Zi u vlerësuan si më të shtrenjtat e Ballkanit Perëndimor.
Indeksi i Kostove të Jetesës nga Numbeo përllogaritet duke marrë në konsideratë disa kategori që përbëjnë shpenzimet kryesore të një ekonomike familjare siç janë: indeksi i qirasë; indeksi i kostove të jetese + qirasë, indeksi i shpenzimeve të shportës bazë; indeksi i çmimeve në restorante; indeksi i fuqisë blerëse vendase. Interesant është fakti, se ndërsa kostot e jetesës kanë shënuar rritje në Shqipëri, indeksi i fuqisë blerëse të vendase, e cila mat aftësinë e shqiptarëve për të përballuar jetesën ka rënë.
Ky indeks është përkeqësuar gjatë 6 muajve të parë të 2019-s, ku Shqipëria është renditur e dyta në Europë për fuqinë blerëse më të ulët të vendasve, duke u renditur pas Moldavisë. Për sa i përket indeksit të çmimit të restoranteve, Shqipëria renditet e gjashta në Europë, pas shënuar ndryshim në krahasim me një vit më parë. Kosova ka shënuar indeksin më të ulët të çmimit të restoranteve, duke u renditur kështu e para në Europë për ushqimin më të lirë, e ndjekur Ukraina, Maqedonia, Bosnje dhe Hercegovina dhe Moldavia.
Shqipëria renditet e katërta në Europë për kostot e qirasë. Në raport me të njëjtën periudhë me një vit më parë vendi nuk ka ndryshuar renditje, por në krahasim me vetveten, indeksi i qirasë shënoi 8.63 nga 7.8 që ishte. Të bësh pazar në Shqipëri kushton më shtrenjtë se në Kosovë, Maqedoni dhe Serbi. Edhe për sa i përket indeksit të shpenzimeve të shportës bazë, Shqipëria nuk ndryshuar renditje, por edhe ky tregues krahasuar me vetveten shënoi rritje këtë vit duke u vlerësuar 28.54 nga 27.
Kosova më e lira e Europës
Edhe për këtë gjashtë mujor, shteti më i ri i Europës, Kosova është vlerësuar si më i liri, pozicion që e mban që prej mesit të të vitit 2017, ku vendi më i lirë i Europës vlerësohej të ishte Ukraina.
Zvicra më e shtrenjta
Vendi më i shtrenjtë për nga kostot e jetesës edhe për këtë vit vlerësohet të jetë Zvicra, por në të njëjtën kohë zviceranët vlerësohen si populli europian me fuqinë më të lartë blerëse. Ndër vendet më të shtrenjta për këtë periudhë gjashtë mujore janë vlerësuar vendet e Europës Veriore dhe Perëndimore. Pas Zvicrës, renditet Norvegjia, e ndjekur nga Islanda, Luksemburgu dhe Danimarka, të cilat renditet ndër 5 vendet më të shtrenjta./Balkanweb
Më të lexuarat
![UNRWA: Me shume se gjysma e Gazes eshte shkaterruar nga lufta UNRWA: Me shume se gjysma e Gazes eshte shkaterruar nga lufta](images/news/gaza e shkaterruar luftaa.jpg)
![Raporti global 2024, perkeqesohet hendeku gjinor ne Shqiperi Raporti global 2024, perkeqesohet hendeku gjinor ne Shqiperi](images/news/perkeqesohet hendeku ghinor 2024.jpg)
![Kredite e shpejta drejt fundit, BSH po pergatit rregulloren qe do kufizoje huadhenien Kredite e shpejta drejt fundit, BSH po pergatit rregulloren qe do kufizoje huadhenien](images/news/rregullore per mikrokredittt.jpg)
![Bota ende e papergatitur per pandemine e ardhshme Bota ende e papergatitur per pandemine e ardhshme](images/news/bota papergatirutr pandemi.jpg)
![Veliaj: Kete vere shperndajme banesat e reja per familjet e Kombinatit Veliaj: Kete vere shperndajme banesat e reja per familjet e Kombinatit](images/news/pallatet ne kombinat brenda veres.jpg)
![Monument kulture, nisin punimet perforcuese ne Uren e Zogut Monument kulture, nisin punimet perforcuese ne Uren e Zogut](images/news/restaurimi i ures se zogut ne mat.png)
![Prej 2 muajsh euro ne kufijte e 100 lekeve, priten tre nderhyrje nga Banka e Shqiperise Prej 2 muajsh euro ne kufijte e 100 lekeve, priten tre nderhyrje nga Banka e Shqiperise](images/news/tre nderhzrje nga banka e shqiperiseee bsh.jpg)
![Balluku: Se shpejti hapet gara nderkombetare per Portin e Ri Tregtar ne Durres Balluku: Se shpejti hapet gara nderkombetare per Portin e Ri Tregtar ne Durres](images/news/gara port tregtar dr.jpg)
![Rritet numri i te punesuarve nen 18 vjeç, dominon sektori i sherbimeve Rritet numri i te punesuarve nen 18 vjeç, dominon sektori i sherbimeve](images/news/te rinjte nen 18 sherbim.png)
![Ne korrik 30 vendqendrime avionesh, Et’hemaj: Zgjerohet terminali i Rinasit Ne korrik 30 vendqendrime avionesh, Et’hemaj: Zgjerohet terminali i Rinasit](images/news/zgjerimi i pistes 3 herre.jpg)