Droni me i madh i Kines me panele diellore mund te qendroje ne ajer per muaj
Kina ka prezantuar një dron masiv me panele diellorë. Ai ka një shtrirje maksimale të krahëve der në 40 metra, por peshon vetëm 400 kilogramë.
Droni super i lehtë është dizenjuar të qëndrojë në fluturim të vazhdueshëm në 20,000 metra për ditë me rradhë duke përdorur energjinë e ripërtëritshme për të fuqizuar tetë motorët elektrikë. Ai mund të udhëtojë deri në shpejtësinë 200 kilometra në orë.
I quajtur "Caihong-T 4" (CH-T4), ose Rainboë T-4, droni me energji diellore është ndërtuar nga Akademia Kineze e Hapësirës Aerodinamike (CAAA). Ai është më i gjerë se një Boeing 737. Ai është i lehtë për shkak të konstruksionit plastik dhe fibrave të karbonit.
Shkencëtarët e CAAA raportojnë se ata synojnë që CH-T4 ta rrisë kohën e fluturimit për disa muaj, duke kërkuar mbikëqyrje minimale njerëzore. Lartësia e fluturimit e lejon atë të fluturojë mbi retë duke i dhënë akses të plotë te rrezet e diellit. Gjatë natës droni do të përdorë energjinë e ruajtur në bateri për të fuqizuar motorët e tij.
