Ky aplikacion lidhet me telefonin dhe zbulon cdo problem ne trupin tuaj

Imagjinoni një të ardhme ku mikrofoni i smartphonit tuaj mund të përdoret për të paralajmëruar automatikisht stafin mjekësor se jeni duke pësuar një sulm në zemër.

Ky është niveli i teknologjisë që parashikohet për një aplikacion të ri që është krijuar për Pentagonin, në mënyrë që të mbajë gjurmët e shëndetit të një ushtari në fushën e betejës. Softueri do të mbledhë të dhëna nga kamerat, sensorët e dritës, sensorët e gjurmëve të gishtërinjve dhe sensorë të tjerë për të bërë vlerësimet e tyre. Financuar nga agjencia e fshehtë e zhvillimit të armëve, Darpa, teknologjia ushtarake ka gjasa të bëhet publike në një të ardhme jo shumë të largët. Kryptowire, një firmë kibernetike me bazë në Fairfax, Virxhinia, mori një kontratë prej 5,1 milionë dollarësh për të krijuar aplikacionin. 

Aplikacioni eshtë pjesë e analizave të luftëtarëve të financuar nga Agjencia e Prokurimeve të Avancuara të Mbrojtjes (Darpa) duke përdorur smartphonët për programin shëndetësor, i njohur gjithashtu si Wash. Aplikacioni do të mbledhë pasivisht matjet e sensorëve të smartfonëve për të siguruar monitorim në kohë reale të shëndetit të një ushtari, si dhe zbulimin e simptomave për diagnozën e hershme të sëmundjes.

Ajo synon të lejojë ndërhyrjen në çështjet mjekësore, para se një pacient të vizitojë një mjek ose infermier për shkak të simptomave në zhvillim. Megjithatë, implikimet e privatësisë së aplikacionit, që po ndërtohen për Android dhe iOS, janë shqetësuese për ekspertët. Nëse po aktivizon një mikrofon në telefonin e dikujt, kjo do të ngrejë shumë alarm, Jay Stanley, një analist i lartë i politikave me Unionin Amerikan për Liritë Civile, i tha Washington Post. 

Njerëzit nuk duan të ndihen sikur dikush po dëgjon jetën e tyre private. Kjo do të duhet të jetë subjekt i kontrolleve të forta të ushtruara mbi të drejtat e privatësisë së njeriut.

Më të lexuarat