Proteza e dores me te cilen mund te drejtosh edhe makinen

Kjo është dora më e avancuar robotike e krijuar ndonjëherë me një dizajn që do të ulë çmimin në mënyrë të konsiderueshme duke shënuar një përparim në fushën e protetikës. 

E ashtuquajtura dora e Hennes, e zhvilluar nga studiuesit italianë, ka vetëm një motor që kontrollon të gjitha pesë gishtërinjtë, duke e bërë atë më të lehtë, më të lirë dhe më të aftë për t'u përshtatur me formën e objekteve. Ajo peshon gati njësoj si një dorë njerëzore dhe përdor në mënyrë unike sensorë që reagojnë ndaj sinjaleve elektrike nga truri tek muskujt, gjë që është shumë më e thjeshtë sesa "protetika mioelektrike". Thjeshtësia do të lejojë ekipin të çmojë pajisjen rreth 30 për qind më lirë se modelet e tjera në treg, në 10,000 euro ose 11,900 dollarë. Studiuesi Lorenzo De Michieli thotë se kurrë nuk ka pasur një mundësi kaq të natyrshme dhe të aksesueshme për ata të cilët kanë nevojë për një protezë të dorës së tyre. 

"Kjo mund të konsiderohet me kosto të ulët, sepse zvogëlojmë në minimum kompleksitetin mekanik për të arritur në të njëjtën kohë një zotërim shumë efektiv dhe një sjellje shumë efektive të protezës", tha De Michieli, i cili zhvilloi dorën bashkë me Institutin Italian të Teknologjisë. "Ne maksimizuam efektivitetin e prostezës dhe kemi minimizuar kompleksitetin mekanik." Ata planifikojnë ta sjellin atë në treg në Evropë vitin e ardhshëm. Arun Jayaraman, një studiues robotik në laboratorin e Shirley Ryan Ability në Çikago, tha se dizajni më i lehtë mund të ndihmojë në kapërcimin e disa rezistencave tek përdoruesit ndaj duarve mioelektrike, të cilat deri më sot kanë qenë shumë të rënda për disa. Një video prezantim tregon një përdorues të kësaj dore protetike duke bërë një sërë detyrash, duke përfshirë mbajtjen e një laps dhe ngasjen e një makine manuale. Drejtimi i makinës për shembull, nuk është një problem, tha Zambelli i cili mbante një protezë të krijuar nga kjo kompani. 

Më të lexuarat