Airbus prezanton avionin A320 te prodhuar nga robote
Airbus ka zbuluar një linjë të re prodhimi për avionin më të shitur A320 me robotët Luise dhe Renate që i bashkohen punonjësve njerëz, duke e shndërruar ndërtimin e avionëve më të automatizuar për të siguruar një prodhim më të shpejtë dhe efektiv.
Airbus ka zbuluar punonjësit e tij të fundit që e ndihmojnë atë të krijojë një avion pasagjerësh A320. Kjo kompani shpreson se teknologjia dixhitale do të mundësojë prodhim më të lartë dhe do të shkaktojë një zhvendosje të konsiderueshme në shpenzimet e kërkimit dhe zhvillimit drejt prodhimit të teknologjisë së lartë. Planifikuesi po rrit prodhimin e avionit A320, i cili konkurron me Boeing 737, nga 50 në 60 avionë të prodhuar në muaj. Airbus ka shitur tashmë 8,000 avionë dhe është ende duke prodhuar 6,000 të tjerë të cilët janë porosi. Linja e re e prodhimit ndodhet në Hamburg dhe ashtu si linja tlë tjera ajo ka një normë të lartë prodhimi prej 10 aeroplanë në muaj, e cila do të rritet deri nga mesi i vitit 2019.
Të dy robotët, emrat e të cilëve janë zgjedhur nga punonjësit, do të ndihmojnë në veçanti për të shpuar mbi 2,000 vrima për të bashkuar të dyja pjesët e avionit, punë që më parë bëhej nga njerëzit. Linja përmban dy robota me shtatë akse, të cilët shërbejnë për shpime të automatizuara. Këto robotë janë në gjendje të shpojnë gati 80 përqind të vrimave në anën e sipërme të pjesëve, gjë që përmirëson mjedisin e punës ergonomike, tha Airbus. Robotët gjithashtu kanë edhe një saktësi të lartë të shpimit duke siguruar në këtë mënyrë një nivel të vazhdueshëm të cilësisë së prodhimit dhe me një rezultat më të ulët të punës së rishikuar, pra ribërjes së një pune. Linja e re përmban një paraqitje inovative dhe përdorimin e platformave mobile të përpunimit që navigojnë në mënyrë autonome me anë të gjurmuesve me lazer. Ato formojnë një pjesë të linjës së re përfundimtare të montimit ku trupi i avionit dhe krahët transportohen me platforma të automatizuara të lëvizjes së mjeteve, në vend që të ulen me vinça dhe ku ndjekja dinamike e lazerit përdoret për të harmonizuar në mënyrë të përkryer pjesët e avionëve. Teknologjitë nuk kanë të bëjnë me kohën, por me saktësi dhe ergonomikë, është shprehur stafi i Airbus.
Është më efikase kur nuk ju duhet të shponi të gjitha vrimat me dorë", tha Klaus Roewe, kreu i programit familjar A320, duke thënë se teknologjitë e tjera të reja për pjesët manovruese do të ndihmonin në zvogëlimin e gjasave për dëmtime ose gabime. Roewe tha se rreth një e treta e teknologjive të reja në linjën e re të prodhimit mund të transferoheshin në linja të tjera, qoftë në ato ekzistuese në Hamburg, Francë, Kinë apo Shtetet e Bashkuara. "Prioritet është që të rritet dhe pastaj të fillojmë të mendojmë për atë që mund të transferojmë", tha ai. Airbus gjithashtu ka zgjeruar dhe modernizuar qendrën e shpërndarjes për familjen A320 në Hamburg, si pjesë e planeve për të ndihmuar në trajtimin e ngritjes së prodhimit.
Më të lexuarat
