NASA drejt krijimit te motorit me jone radikale per anijet e saj kozmike
Inxhinierët e NASA-s kanë zbuluar projektin më të fundit që është krijimi i një motori me jone radikale që do të përdoret në misionet e ardhshme drejt Marsit.
Ky motor simbolizon një hap të madh të bërë nga NASA drejt krijimit të një motori që nuk përdor lëndët e zakonshme djegëse por që përdor jonet radikale për të funksionuar. Nasa shpejgon se ky motor përdor fushat magnetike dhe elektrike për të jonizuar gazet si ksenon dhe nxjerr jashtë jonet për të prodhuar shtytje. Teknika është shumë herë më e pastër, e sigurt si dhe një karburant më efikas se sa krahasuar me raketat e zakonshme kimike. NASA ka nënshkruar një kontratë tre vjeçare me Aerojet Rocketdyne prej 67 milion dollarësh për të bërë të mundur zhvillimin e sistemit, i cili njihet si sistemi i avancuar i shtytjes elektrike ose ndryshe AEPS.
Puna e kryer për zhvillimin e sistemit të ri mund të rrisë në mënyrë potenciale deri në 10 herë efiçiencën e karburantit të për sa i përket transportit me anije kozmike, kundrejt teknologjisë aktuale të furnizimit përmes lëndëve kimike, si dhe më shumë se dyfishin e aftësisë shtytëse krahasuar me sistemin me shtytje elektrike që funksionon aktualisht. Pjesa kryesore e teknologjisë apo baza e kësaj teknologjie është përdorur për të manovruar satelitët në orbitë rreth Tokës. Firma Aerojet Rocketdyne e cila do të merret edhe me zhvillimin e teknologjisë së re, është shprehur se tashmë ka përfunduar me sukses testin paraprak të integrimit të teknologjisë për motorin radikal. Testi i zhvilluar në qëndrën e kërkimeve Glenn në Cleveland, Ohio, provoi aftësinë e sistemit për të convertuar në mënyrë të suksesshme energji, në një nivel mjaft të lartë efiçience duke prodhuar humbje minimale të nxehtësisë.
Duke zhvilluar një teknologji të tillë inovative, ne e kemi pozicionuar veten tonë në një rol mjaft të madh jo vetëm për tu rikthyer pas në Hënë, por që gjithashtu në ndonjë ini ciativë në të ardhmen, të dërgojmë njerëz në Mars, u shpreh Eileen Drake, themeluesi dhe presidenti i Aerojet Rocketdyne. AEPS është pararoja për gjeneratën e ardhshme të eksplorimit të thellë të hapësirës dhe ne jemi të kënaqur që jemi në timon. Ekipi tani do të hyjë në fazën e finalizimit dhe verifikimit të dizajnit që çon në shqyrtimin kritik të dizajnit (CDR), fazë në të cilën do të finalizohet dhe të bëhet gati për prodhim. Sistemi i ri i krijuar nga AEPS mund të përdoret në elementin e fuqisë dhe shtytjes së portës së NASA Gateway, agjensisë Hënore orbitale e përdorur për operacionet robotike dhe njerëzore të eksplorimit në hapësirë të thellë.
Ndërtuar me partnerë tregtarë, elementi i fuqisë dhe shtytjes do të demonstrojë një shtytje diellore elektrike prej 50 kW për të mbështetur eksplorimin në dhe pranë Hënës dhe më gjerë, duke përfshirë Marsin. Motori më i fuqishëm shtytës në orbitë i quajtur Hall është 4.5 kilovat. Kjo është e mjaftueshme për të rregulluar orbitën ose orientimin e një sateliti, por është shumë pak fuqi për të lëvizur sasitë masive të ngarkesës që nevojiten për të mbështetur eksplorimin njerëzor të hapësirës së thellë.
Më të lexuarat
