Trendet e fundit te dizajnit te kuzhines per 2018

Kuzhina është ambjenti kryesor dhe mjaft i rëndësishëm i shtëpisë kështu që edhe arredimi i saj duhet të jetë i menduar me kujdes. 

Një kënaqësi më vetë për shumë njerëz është të gatuarit për familjen, dhe si rrjedhojë disa kalojnë një kohë të madhe në të. Gjithçka duhet të jetë e rregullt dhe sigurisht multifunksionale dhe e mirë organizuar, kështu do të shmanget humbja e kohës për të gjetur sendet që nevojiten për të gatuar. Kjo hapësirë duhet të jetë gjithashtu edhe me stil dhe të ketë të përfshira trendet e fundit të arredimit. Më poshtë jemi munduar të sjellim disa prej trendeve më të fundit të arredimit të kuzhinës për vitin 2018, si dhe disa ide për tju ardhur në ndihmë në arredimin e ambjentit tuaj të gatimit.  

Kuzhina është arreduar për të bërë përshtypje me kabinete qymyr druri gri, me dysheme druri me ngjyrë mjalti, dhe nga ana tjetër me pllaka mermeri që mbulojnë banakun dhe që veshin murin tek pjesa ku vendoset soba. Kontrasti i errësirës dhe dritës sjell një arredim mjaft elegant të kësaj hapësire.

Ngjyrat e ndryshme në këtë kuzhinë përzihen së bashku, duke i dhënë hapësirës një ndjesi të thjeshtë por një ndjesi lehtësie dhe gjithashtu hapësire të bollshme për tu shfrytëzuar. Hapësira e arreduar me ngjyrë portokalli është sigurisht pejsa kryesore ajo që bie më shumë në sy, e balancuar nga ngrohtësia e ngjyrës së përdorur për veshjen e tavolinës me mermer ngjyrë mjalti si dhe dyshemeja që qëndron gjithashtu në të njëjtat nuanca.

Duke shfaqur punime kryesisht në ngjyra të zezë dhe të bardhë, kjo kuzhinë duket e pastër dhe elegante. Detajet ngjyrë ari të thjeshta të cilat janë përdorur për të theksuar hapësirën, arrijnë të krijojnë një arredim kuzhine mjaft praktike.

Kjo kuzhinë shfaq një arredim mjaft të guximshëm. Me mure të bardha të ndritshme, pllakat që veshin zonën ku gatuhet që gjithashtu përputhen me ngjyrën dominuese të bardhë të mureve, si dhe një bufe ngjyrë blu dhe detaje me ngjyra të çelura, krijojnë një hapësirë të shndritshme dhe mjaft miqësore, duke ruajtur një tërheqje plot stil.

Dyshemeja prej druri të fortë i sjell një element ngrohtësie kësaj kuzhine me pamje të ndriçuar. Një tavan i harkuar prej druri dhe abazhurët që varen prej tij dhe bien në mes të hapësirës së kuzhinës, theksojnë dizajnin e bollshëm dhe të hapur të kësaj kuzhine. Një banak veshur me mermer të bardhë qëndron në mes të saj gjithashtu rrethuar nga karrige ngjyrë kafe dhe një kabinet prej çeliku inox që i shton një element të veçantë kësaj hapësire.

Në këtë kuzhinë vërehet përdorimi i ngjyrës blu të përdorur për bufenë, abazhurët dhe aksesorë të tjerë, kombinuar me dyshemene prej druri dhe pllakat gri që veshin muret e kësaj kuzhine.  

Ky hapësirë ku dominojnë ngjyrat neutrale merr një pamje më të gëzueshme dhe gjallërie me detajet e shtuara në ngjyra të theksuara, të cilat bëjnë kontrastin. Karriget ngjyrë jeshile si dhe aksesorë të tjerë ngjyrë ari thyejnë bardhësinë verbuese të këtij arredimi.  

Ky kuzhinë bashkëkohore blu i ka të gjitha elementet bashkëkohore që duhen. Në të vërehen kabinete me shkëlqim, ndriçim të ndryshueshëm si dhe një ishull pune mahnitëse me ujëvarë. Stolat e thjeshtë, modernë, plotësojnë pamjen.

Stolat ngjyrë blu janë pika qendrore e kësaj kuzhine luksoze. Detajet ngjyrë ari të cilat gjenden gati kudo në mobiljet e kësaj kuzhine i shtojnë asaj elegancën, ndërkohë që linjat moderne në arredim i japin atij nj stil më bashkëkohor.  

Që në pamje të parë vihet re se mermeri ngjyrë gri është ai që dominon arredimin në këtë kuzhinë. Ngjyrat e errta gri dhe e zezë janë ato të cilat i japin një prekje luksoze arredimit të kësaj hapësire. Ndërkohë, dritat delikate që varen në tavan sigurojnë ndriçim të mjaftueshëm për ambjentin. 

Më të lexuarat