Firma arkitekturore Aedas ka zbuluar projektin e një kulle zyrash "gjarpëruese", e cila aktualisht është në ndërtim e sipër në Kinën jugperëndimore.
Struktura e quajturzyrtarisht Chongqing Gaoke ltd, është pjesë e një zhvillimi më të madh që përfshin një qendër tregtare dhe mjedisin përreth saj.
Falë një kendi maksimal të përdredhjes deri në 8,8 gradë për kat, projekti është vendosur të jetë një nga kullat më gjarpëruese në botë kur të përfundojë në vitin 2022. E vendosur në veri të Xingfu Plaza në rajonin Jiangbei të Chongqing, kulla krenohet me një fasadë ekspresive që kërkon të përçojë një sens ritmi dhe dinamizmi.
Aedas e përshkruan këtë efekt si 'balet i dritës' që ofron pamje gjithnjë e në ndryshim nga këndvështrime të ndryshme. Kur dielli lind, fasada e lakuar shkëlqen dhe kulla bëhet ndërtesa e dritës, shpjegojnë arkitektët. Kur natën bie, fasada e lakuar tregon reflektime që aludojnë në figurën e vallëzimit të një balerine.
Kthesa ambicioze rezulton në një raport të lartë të lakimit të dyfishtë, që paraqiti një sfidë të madhe për sistemin e përgjithshëm të fasadave. Drejtori Aedas, Ken Wai dhe konsulenti i fasadës RFR, zhvilluan një teknikë të veshjes së xhamit të ftohtë, e cila do të siguronte siguri, hidroizolim dhe performancë termike.
Ky sistem, i cili ishte rezultat i simulimeve të panumërta BIM, mundëson një devijim maksimal të xhamit prej 86 mm. Fasada nuk është vetëm një shprehje e perspektivës, por edhe një mënyrë e mbrojtjes që gdhend hapësirat e brendshme, thotë Ken Wai.
