Ford nxjerr ne treg makinen qe ju shpeton nga gjobat!

Ford vazhdon të jetë pionier sa i përket adoptimit si dhe zbatimit të teknologjive të reja në sektorin e makinave “Inteligjente” dhe S-Max është një ndër to. Nëse ju jeni adhurues i shpejtësisë, padyshim që ju ka rastisur shumë herë që të gjobiteni nga qarkullimi rrugor. Por së fundmi për të zgjidhur këtë problem, Ford ka prezantuar në modelin e tij më të fundit një makinë për të ndaluar shoferët nëse ata tejkalojnë kufijtë e shpejtësisë.

Sistemi përfshinë një kamera me radar që skanon mjedisin e jashtëm por dhe atë të përparmë të makinës duke lokalizuar pengesa, kalimtarë por edhe makina. Duke u bazuar në shpejtësinë e mjetit dhe tek lëvizja e kalimtarëve (ose të pengesave të tjera) përllogaritet mundësia e përfshirjes në aksident dhe shoferit lajmërohet nga një alarm për të frenuar në kohë. Në rast se ky i fundit nuk do të reagojë, atëherë shpejtësia e mjetit ulët vetë ose ndalon tërësisht duke eliminuar menjëherë mundësinë e përfshirjes në një përplasje ose aksident fatal!

Ford ka prezantuar një pajisje të quajtur Limiter Inteligjente Speed në modelin e saj S-Max të ndërtuar në makinë , e cila zbulon automatikisht shenjat rrugore dhe kamerat që mund të jenë vendosur rrugës duke bërë të mundur ngadalësimin e shpejtësisë kur është e nevojshme.
Në xhamin e përparmë të makinës vendoset kamera që monitoron shenjat rrugore dhe kur kufiri i shpejtësisë është më i ulët dhe sa duhet të jetë shpejtësia maksimale e përcaktuar.

Shoferët kanë disa opsione për të zgjedhur shpejtësinë maksimale duke përdorur kontrollet e timonit, për shembull në një autosrtadë që ata mund të zgjedhin shpejtësinë 113km /h.Sistemi i lejon shoferëve që të përshpejtojnë shpejtësinë e caktuar në varësi të rrugëve, duke siguruar që nuk do ta kalojnë limitin dhe shpejtësi e përcaktuar nga rregullat e qarkullimit rrugor.

Limiter Inteligjente Speed komunikon me një sistem në bord të navigacionit duke grumbulluar të dhëna shtesë në mënyrë që të ndihmojë  që të ruhet shpejtësia e duhur maksimale kur distancat mes shenjave kufitare janë më të mëdha, për shembull në rrugët e gjata.Ford pretendon se sistemi mund të shpëtojë shoferët nga gjobat e shpejtësisë. Limiter punon midis shpejtësisë prej 20 km/h dhe 120 km/h, duke bërë të mundur që shpejtësia të reduktohet duke kufizuar konsumimin e sasisë së karburantit në motor.
Ky sistem i ri i vendosur në S-Max , është në thelb një variant i ri për vendosjen e kontrollit të shpejtësisë që duke i lejuar shoferit që të shpëtojë nga gjobat apo tejkalimin i normave të shpejtësisë. Limiter Inteligjente Speed kombinon dy teknologjitë aktuale të Ford - Limiter Adjustable Speed dhe njohjen e trafikut, të cilat janë në dispozicion në Focus, Mondeo dhe Kuga.

Modeli S-Max mund të zbulojë gjithashtu kur një person apo objekt del përpara në rrugë duke bërë të mundur frenimin në moment.  Teknologjia e re e S-Max tani mund të porositet për 3 400 euro.

Më të lexuarat