Apple sjell se shpejti iPhone SE, ja sa do kushtoje

Apple raportohet të jetë duke punuar në një telefon të ri që është më i lirë, më i mirë dhe i ngjan iPhone 8, si dhe është po aq i fuqishëm sa iPhone 11.   

Pretendohet se pasardhësi i iPhone SE do të ketë një ekran 4,7 inç, Finger ID dhe se gjithashtu mendohet se do të jetë në dispozicion në tremujorin e parë të vitit 2020. 

Raporti ka sugjeruar që kjo pajisje të jetë më e përballueshme se pjesa tjetër e telefonave të Apple, por të shfaqë teknologji të ngjashme, një procesor A13 me 3 GB RAM. Sidoqoftë, Apple është duke e projektuar smartphonin që të duket më shumë si iPhone 8, i cili ka finger ID dhe ekran më të vogël. 

SE origjinal ishte projektuar me vetëm një ekran 4 inç me një çmim prej vetëm 399 dollarë, ndërsa iPhone 11 fillon nga 699 dollarë. Megjithëse emri dhe çmimi i modelit të ri nuk është vendosur, ai konsiderohet si gjenerata e fundit e iPhone SE, sipas ekspertëve. 

Ende nuk parashikohet një çmim i saktë për telefonin e ri, por ekspertët vërejnë se ky smartphone do të ishte i mirëpritur në mesin e atyre që ende përdorin iPhone 6. Ky grup me sa duket shijon iPhone, por nuk shqetësohet për të pasur pajisjen e fundit të kompanisë, posaçërisht për shkak të kostos. 

Procesori i fuqishëm A13 është projektuar me teknologji të realitetit të shtuar, diçka që u mungon telefonave të vjetër. Një SE me madhësinë e iPhone 8 nuk do të tërheqë domosdoshmërisht për përdoruesit e iPhone SE që dëshirojnë faktorin e vogël kompakt të ekranit 4 inç. 

Më të lexuarat