Një studim i ri ka treguar se koha në të vërtetë kalon me një shpejtësi më të madhe në krye të qiellgërvishtëseve dhe ndërtesave të tjera të larta.
Një ekip, i udhëhequr nga profesori kuantik i elektronikës Hidetoshi Katori, u ngjit në majën e Skytree Tokio, ndërtesa më e lartë në botë dhe zbuloi se koha kaloi më shumë se katër nanosekonda më shpejt se në nivelin e tokës.
Hulumtimet e kaluara kanë treguar që koha kalon më shpejt në atmosferën e sipërme ku satelitët GPS orbitojnë Tokën, por kjo shënon heren e parë që efekti është matur në rrokaqiej ose hapësira të tjera që janë të hapura për publikun.
Sipas një raporti, ndryshimi shpjegohet me teorinë e relativitetit të Ajnshtajnit, i cili vërtetoi se koha është e lidhur me forcën e gravitetit në pikën kur matet. Ky fenomen ndikon në lëvizjen relative të elektroneve që rrotullohen në bërthamën e një atomi, të cilat lëshojnë rrezatim elektromagnetik kur ndryshojnë nivelet e energjisë që shkencëtarët përdorin për të matur kohën.
Këto emetime ndryshojnë në forca të ndryshme të gravitetit, dhe mund të maten me pajisje të quajtura orë grilë atomike, të cilat përdorin një dhomë vakum super të ftohur për të ndjekur rrezatimin elektromagnetik pa asnjë ndërhyrje në sfond.
Këto pajisje zakonisht mbushin laboratorë të tërë, por Katori dhe ekipi i tij ishin në gjendje të hartonin një njësi me porosi rreth madhësisë së një frigorifer të madh dhe ta transportonin atë në majë të Skytree.
