Sh.B.A ka zbuluar planet për një rrjet kombëtar kuantik super të shpejtë që mund të përdoret nga departamentet e qeverisë dhe bankat për të dërguar informacione.
Projekti i rrjetit u zbulua në një event në Universitetin e Chikagos të enjten. Departamenti detajoi katër fusha kërkimore që duhet t'i jepen përparësi teknologjisë për të arritur përfundimin dhe deklaroi se mund të jetë funksionale brenda një dekade.
Në shkurt, Laboratorët Kombëtarë DOE, universitetet dhe industria u takuan në NYC për të zhvilluar strategjinë e projektit, dhe tani ai raport është bërë publik, duke përshkruar inxhinierinë dhe pengesat e projektimit dhe duke paraqitur hulumtimin thelbësor që është i nevojshëm.
Sigurimi i blloqeve themelore të ndërtimit për Quantum Internet; Integrimi i pajisjeve kuantike të rrjetit; Krijimi i teknologjive të përsëritura, dhe mundësimi i korrigjimit të gabimit të funksionit të rrjetit Quantum janë fushat e hulumtimit që raporti thotë se duhet të bëhen përparësi.
Duke ndërtuar këtë teknologji të re dhe në zhvillim, SHBA vazhdojnë me angazhimin për të ruajtur dhe zgjeruar aftësitë kuantike. 17 Laboratorët Kombëtarë të DOE do punojnë në internetin kuantik, dhe siç sugjeron emri, do mbështeten në mekanikën kuantike për të kontrolluar dhe transmetuar informacionet më të sigurt se kurrë më parë.
Shtetet e Bashkuara do të jenë në garën kuantike globale që do të krijojë një epokë të re të komunikimit, dhe disa zhvillime tashmë janë në punë.
