Pfizer Inc i ka kërkuar FDA të zgjerojë përdorimin emergjent të vaksinës COVID-19 te amerikanët midis moshës 12 dhe 15 vjeç.
Kur vaksina u autorizua fillimisht për përdorim nga FDA në dhjetor 2020, ishte vetëm për ata të moshës 16 vjeç e lart. Por kohët e fundit, të dhënat e provës klinike të Fazës III treguan se vaksina ishte 100 për qind e sigurt dhe efektive tek adoleshentët më të rinj.
Nëse miratohet nga FDA, fëmijët nga 12 deri në 15 vjeç mund të imunizohen kundër koronavirusit para fillimit të vitit shkollor 2021. Në një deklaratë në Twitter, prodhuesi i barnave me bazë në New York tha se ka në plan të kërkojë vendime të ngjashme në vendet e tjera që janë duke përdorur vaksinën.
Në prova, rreth 2,200 adoleshentë u regjistruan në SH.B.A. krahasuar me 40,000 për provat e moshës 16 vjeç e lart. Gjysma e grupit mori dy doza të vaksinës me tre javë larg dhe gjysmës tjetër iu dha dy injeksione me placebo. Gjithsej 18 raste të COVID-19 u raportuan në grupin placebo ndërsa asnjë rast nuk u raportua në grupin e vaksinave.
Për më tepër, efektet anësore ishin të ngjashme me ato që u panë në provën më të madhe midis 16-të-25-vjeçarëve, duke përfshirë dhimbje në vendin e injeksionit, lodhje, ethe dhe dhimbje koke. Në atë kohë, CEO i Pfizer, Albert Bourla tha se shpresonte të vaksinonte këtë grupmoshë para fillimit të vitit të ardhshëm shkollor.
Studiuesit planifikojnë të ndjekin pjesëmarrësit për dy vjet për të mbledhur informacione për mbrojtjen afatgjatë, efektet dhe sigurinë. Pfizer dhe partneri i saj gjerman BioNTech po studiojnë gjithashtu se sa mirë funksionon vaksina e tyre tek fëmijët midis moshës gjashtë muajsh dhe 11 vjeç.
