Shenjat e ujit janë zbuluar në një galaktikë 12.8 mld vite dritë nga Toka, duke e bërë atë më të largëtin dhe më të hershmen e zbuluar deri më tani, pohojnë astronomët.
Një numër molekulash u gjetën në SPT0311-58, një galaktikë masive që daton kur universi ishte vetëm 780 milionë vjet i vjetër.Astronomët e Universitetit të Illinois në Urbana-Champaign gjetën prova të molekulave të ujit, të përbëra nga atomet e hidrogjenit dhe oksigjenit, në galaktikën e lashtë.
Kjo sugjeron se 'universi molekular filloi shumë herët', thanë ata, duke kaluar nga heliumi dhe hidrogjeni, ose hidridi i heliumit, në kombinime më komplekse shpejt.
Elementët më të rëndë se heliumi dhe hidrogjeni shkrihen në bërthamën e një ylli ndërsa i vjen fundi i jetës së tij, kështu që ky studim sugjeron që vdekja e tyre prodhoi molekula brenda 800 milionë viteve.
Hulumtimi i ri përfshin disa nga studimet më të detajuara dhe komplekse të gazit molekular në universin e hershëm. Zona ku u gjetën molekulat, SPT0311-58, përbëhet nga 2 galaktika dhe u pa për herë të parë nga shkencëtarët e ALMA në 2017.
Është 12.8 miliardë vite dritë nga Toka, që do të thotë se drita që po shohim është nga 12.8 miliardë vjet në e kaluara, gjatë një kohe të njohur si Epoka e Reionizimit.
