![Rruga e Arbrit, perfundon gjysma e kohes se koncesionit, punimet ende vazhdojne Rruga e Arbrit, perfundon gjysma e kohes se koncesionit, punimet ende vazhdojne](images/news/rruga arbrit punimet koncesioni.jpg)
Cmimet e naftes arrijne nivelin me te ulet qe nga fillimi i luftes ne Ukraine
Çmimet globale të naftës kanë pësuar rënie pas shqetësimeve për rritjen e dobët të ekonomisë së Kinës.
Ҫmimi i një fuçie me naftë të papërpunuar Brent ra me rreth 5%, duke shkuar nën 94 dollarë të hënën dhe duke arritur kështu nivelet më të ulëta që nga pushtimi rus i Ukrainës, pasi tregtarët reaguan ndaj shifrave të dobëta nga ekonomia e dytë më e madhe e botës.
Banka qendrore e Kinës uli papritur normat e interesit për facilitetet e saj kryesore të huadhënies për herë të dytë brenda këtij viti, pas shifrave zyrtare zhgënjyese të rritjes ekonomike.
Prodhimi i fabrikave në sektorin industrial të këtij vendi u rrit me 3.8% në muajin korrik krahasuar me të njëjtën periudhë të një viti më parë, një rritje kjo që ishte nën parashikimet e analistëve prej 4.6%, sipas një sondazhi të Reuters.
Shitjet me pakicë u rritën me 2.7% krahasuar me një vit më parë, një tjetër shifër që ishte dukshëm nën pritshmëritë e analistëve, ndërkohë që rimëkëmbja ekonomike e Kinës pas izolimeve të pandemisë në fillim të këtij viti shfaqi shenjat e para të zbehjes.
Ekonomia e Kinës pati pothuajse një rënie në tremujorin e dytë, kryesisht për shkak të izolimit të qendrës tregtare të Shangait dhe rënies së ndjeshme në aktivitetin e tregut të pasurive të paluajtshme, si dhe të niveleve vazhdimisht në rënie të shpenzimeve të konsumatorëve.
Sektori i pasurive të paluajtshme, i tronditur nga një bojkot i kredive hipotekore pasi mijëra blerës të shtëpive po refuzojnë të vazhdojnë me pagesat e kësteve për banesat e papërfunduara të cilat janë blerë përpara fillimit të ndërtimit, pati gjithashtu një rënie të aktivitetit në muajin korrik.
Julian Evans-Pritchard, një ekonomist për Kinën në firmën e konsulencës Capital Economics, tha: “Ne mendojmë se perspektiva do të mbetet sfiduese përgjatë muajve të ardhshëm,
pasi eksportet do të fillojnë të bien, rënia e aktivitetit në sektorin e pasurive të paluajtshme do të thellohet dhe problemet e shkaktuara nga virusi do të vazhdojnë të ndikojnë tek ekonomia. ”
Si një nga konsumatorët më të mëdhenj të energjisë në botë, rritja më e dobët e ekonomisë kineze do të zvogëlonte kërkesën për naftë të papërpunuar dhe burime të tjera natyrore.
Tregtarët e energjisë po vlerësojnë gjithashtu potencialin për një marrëveshje bërthamore midis Iranit dhe negociatorëve të Perëndimit, e cila mund të hapë rrugën për një rritje të furnizimeve me naftë.
Çmimi global i naftës ka pësuar rënie të ndjeshme nga niveli rekord prej 140 dollarë që arriti në muajin mars, kur shqetësimet për furnizimet nga Rusia ishin në kulmin e tyre.
Megjithatë, çmimet vazhdojnë të mbeten në nivele historikisht të larta, ndërkohë që lufta në Ukrainë vazhdon, pasi ato janë pothuajse 50% më shumë sesa nivelet ku ndodheshin në fund të vitit 2019.
Rritja e çmimeve të energjisë ka qenë nxitësi më i madh i inflacionit të lartë në Mbretërinë e Bashkuar dhe në ekonomitë e tjera të përparuara, duke sjellë përkeqësimin e krizës së kostos të jetesës.
Bjarne Schieldrop, analisti kryesor për mallrat në bankën suedeze SEB, tha se ishte e qartë që dobësimi i kërkesës së Kinës për naftë ishte një nga arsyet kryesore për rënien e çmimeve të naftës që nga fillimi i muajit qershor.
“Nuk ka shumë shpresë se Kina do të ndryshojë qëndrimin e saj për Covid-19 në të ardhmen e afërt dhe ekziston rreziku që rënia e kërkesës në Kinë të vazhdojë për shkak të izolimeve të vazhdueshme nga njëri muaji në tjetrin,” tha ai./Burimi:The Guardian
Më të lexuarat
![Rruga e Arbrit, perfundon gjysma e kohes se koncesionit, punimet ende vazhdojne Rruga e Arbrit, perfundon gjysma e kohes se koncesionit, punimet ende vazhdojne](images/news/rruga arbrit punimet koncesioni.jpg)
![Me shume te ardhura ne buxhetin e shtetit, ne 5 muaj u arketuan 287 mld leke Me shume te ardhura ne buxhetin e shtetit, ne 5 muaj u arketuan 287 mld leke](images/news/buxheti shtetit arketimet 5 mujor.jpg)
![Eksportet i rikthehen renies ne maj, bien me 12.4 per qind Eksportet i rikthehen renies ne maj, bien me 12.4 per qind](images/news/eksporte serish renie maj 2024.jpg)
![Ligji i ri per token, dixhitalizimi i kartelave te pasurive te paluajtshme perfundon ne 2027 Ligji i ri per token, dixhitalizimi i kartelave te pasurive te paluajtshme perfundon ne 2027](images/news/ligji pronat kartelat 2027.jpg)
![Rama: Tuneli i Llogarase hapet me 5 korrik, Dukat-Palase per 7 minuta Rama: Tuneli i Llogarase hapet me 5 korrik, Dukat-Palase per 7 minuta](images/news/tuneli llogarase hapet 5 korrik.jpg)
![18 ankande bonosh dhe obligacionesh ne korrik-shtator, vlera arrin 74.6 mld leke 18 ankande bonosh dhe obligacionesh ne korrik-shtator, vlera arrin 74.6 mld leke](images/news/bsh ankande letra vlere korrik shtator.jpg)
![130 mln leke per rrugen e vjeter Fier-Vlore, ARRSH gati tenderin per rehabilitimin 130 mln leke per rrugen e vjeter Fier-Vlore, ARRSH gati tenderin per rehabilitimin](images/news/fier vlore aksi vjeter tender rehabilitim.jpg)
![Nendeklarimi i pagave, INSTAT: Mbi 55 per qind e punonjesve nuk arrijne rrogen mesatare Nendeklarimi i pagave, INSTAT: Mbi 55 per qind e punonjesve nuk arrijne rrogen mesatare](images/news/nendeklarimi pagave instat raporti.jpg)
![Media australiane: Shqiperia, perle e turizmit evropian ne zhvillim Media australiane: Shqiperia, perle e turizmit evropian ne zhvillim](images/news/turizmi shqiperi media australiane.jpg)
![Shqiperia, me perqindjen me te larte te popullsise ne prag varferie ne Europe Shqiperia, me perqindjen me te larte te popullsise ne prag varferie ne Europe](images/news/shqiperia niveli varferise europe raporti.jpg)