![18 ankande bonosh dhe obligacionesh ne korrik-shtator, vlera arrin 74.6 mld leke 18 ankande bonosh dhe obligacionesh ne korrik-shtator, vlera arrin 74.6 mld leke](images/news/bsh ankande letra vlere korrik shtator.jpg)
Kredia konsumatore bie ne stanjacion ne 4 mujorin e pare
Kredia konsumatore paraqitet në stanjacion në muajt e parë të këtij viti.
Sipas të dhënave nga Banka e Shqipërisë, për katër muajt e parë të vitit 2023, kredia e re për konsum e dhënë nga sektori bankar, duke përfshirë edhe overdraftet kishte vlerën e 10.6 miliardë lekëve, shifër kjo pothuajse e njëjtë me një vit më parë.
Shifrat tregojnë se në segmentin e kredisë konsumatore efektet e inflacionit dhe normave të interesit tashmë po shfaqen qartë. Vitin e kaluar, kredia e re konsumatore e dhënë nga sektori bankar shënoi norma rritje mjaft të larta, me 21% më shumë krahasuar me vitin 2021.
Por, fillimi i këtij viti ka sjellë një frenim të dukshëm dhe rritja e flukseve të reja të kredisë konsumatore është shumë afër zeros.
Vlera totale e portofolit të kredisë konsumatore në fund të muajit prill kishte vlerën e 70.4 miliardë lekëve, me një rritje vjetore prej 6.9%, nga 7.5% që kishte qenë rritja vjetore në fund të 2022.
Për shkak të afateve më të shkurtra të maturimit, rënia e kredisë së re konsumatore reflektohet shpejt në ngadalësimin e rritjes së portofolit të matur si tepricë.
Ndërkohë, në segmentin kryesor të kredisë për individë, atë që financon blerjen e banesave, rritja po vazhdon edhe në pjesën e parë të këtij viti, ndonëse me ritme më të ngadalësuara krahasuar me vitin e kaluar.
Shifrat tregojnë se për katër muajt e parë të vitit, sektori bankar disbursoi gjithsej 15.4 miliardë lekë kredi të reja për blerje banesash, në rritje me 7.2% krahasuar me një vit më parë.
Për këtë produkt, rritja reale e volumeve është më e lartë, duke pasur parasysh peshën e lartë që ka kredia në valutë të huaj dhe kryesisht në euro.
Në pjesën e parë të këtij viti, kursi i këmbimit të euros me lekun ka vijuar rënien, duke ndikuar negativisht edhe vlerën statisikore të portofolit në monedhën europiane.
Ndërkohë, për kredinë konsumatore, efekti i kursit të këmbimit është shumë i vogël, duke pasur parasysh se ky produkt dominohet pothuajse tërësisht nga kredia në monedhën vendase.
Analizat e Bankës së Shqipërisë kanë treguar se kredia konsumatore zakonisht ka një natyrë prociklike, duke qenë se është një kredi që mbështet konsumin dhe ndjek rritjen e tij.
Për këtë arsye, ecuria e kredisë konsumatore mund të jetë një indikator për tendencat e konsumit privat në ekonomi. Një stanjacion i kredisë për konsum ka të ngjarë të ndikojë në ritme të ulëta të rritjes së konsumit privat në ekonominë shqiptare.
Pritet që ekonomia këtë vit të shënojë ritme rritjeje ndjeshëm më të ngadalta krahasuar me vitin 2022. Rritja e normave të interesit dhe ngadalësimi i kreditimit nga sektori bankar është një ndër faktorë kryesorë ku bazohet kjo pritshmëri.
Inflacioni i lartë gjatë vitit të kaluar e gërryer fuqinë blerëse të familjeve shqiptare, duke rritur paralelisht pasigurinë dhe duke ulur kërkesën për kredi konsumatore.
Burimi: Monitor https://www.monitor.al/4-mujori-kredia-konsumatore-bie-ne-stanjacion/
Më të lexuarat
![18 ankande bonosh dhe obligacionesh ne korrik-shtator, vlera arrin 74.6 mld leke 18 ankande bonosh dhe obligacionesh ne korrik-shtator, vlera arrin 74.6 mld leke](images/news/bsh ankande letra vlere korrik shtator.jpg)
![130 mln leke per rrugen e vjeter Fier-Vlore, ARRSH gati tenderin per rehabilitimin 130 mln leke per rrugen e vjeter Fier-Vlore, ARRSH gati tenderin per rehabilitimin](images/news/fier vlore aksi vjeter tender rehabilitim.jpg)
![Nendeklarimi i pagave, INSTAT: Mbi 55 per qind e punonjesve nuk arrijne rrogen mesatare Nendeklarimi i pagave, INSTAT: Mbi 55 per qind e punonjesve nuk arrijne rrogen mesatare](images/news/nendeklarimi pagave instat raporti.jpg)
![Media australiane: Shqiperia, perle e turizmit evropian ne zhvillim Media australiane: Shqiperia, perle e turizmit evropian ne zhvillim](images/news/turizmi shqiperi media australiane.jpg)
![Shqiperia, me perqindjen me te larte te popullsise ne prag varferie ne Europe Shqiperia, me perqindjen me te larte te popullsise ne prag varferie ne Europe](images/news/shqiperia niveli varferise europe raporti.jpg)
![Inflacioni baze bie ne nivelin me te ulet qe prej vitit 2021 Inflacioni baze bie ne nivelin me te ulet qe prej vitit 2021](images/news/inflacion niveli baze me i ulet 2021.jpg)
![UNRWA: Me shume se gjysma e Gazes eshte shkaterruar nga lufta UNRWA: Me shume se gjysma e Gazes eshte shkaterruar nga lufta](images/news/gaza e shkaterruar luftaa.jpg)
![Raporti global 2024, perkeqesohet hendeku gjinor ne Shqiperi Raporti global 2024, perkeqesohet hendeku gjinor ne Shqiperi](images/news/perkeqesohet hendeku ghinor 2024.jpg)
![Kredite e shpejta drejt fundit, BSH po pergatit rregulloren qe do kufizoje huadhenien Kredite e shpejta drejt fundit, BSH po pergatit rregulloren qe do kufizoje huadhenien](images/news/rregullore per mikrokredittt.jpg)
![Bota ende e papergatitur per pandemine e ardhshme Bota ende e papergatitur per pandemine e ardhshme](images/news/bota papergatirutr pandemi.jpg)