![BE hap zyrtarisht procedurat e deficitit kunder 8 vendeve anetare BE hap zyrtarisht procedurat e deficitit kunder 8 vendeve anetare](images/news/deficiti 8 vende.jpg)
Standard&Poors vlereson pozitivisht ekonomine, Mete: Kemi financa te forta
Vlerësimi pozitiv i ekonomisë nga agjencia Standard&Poor's, për Ministrin e Financave tregon progresin që ka bërë vendi në menaxhimin e financave publike.
“Agjencitë e vlerësimit pasi mbledhin dhe analizojnë informacione për të dhënat ekonomike - PBB, inflacionin, politikat fiskale dhe monetare, stabilitetin politik dhe faktorë të tjerë institucionalë të rëndësishëm, - gjykojnë sesi vendi menaxhon financat e tij, nëse ka një qëndrueshmëri institucionale, si edhe ecurinë e ekonomisë dhe reformave.
Bazuar në këto analiza, agjencia e vlerësimit jep një vlerësim që mund të ndikojë në koston apo interesat e vendit në huamarrje”, tha Mete.
Mete vlerëson se vendimmarrja e agjencisë pas 7 vitesh, e klasifikon Shqipërinë tek grupi i vendeve me financa të forta publike.
“Dje agjencia Standard & Poor’s rishikoi në rritje perspektivën për Shqipërinë, nga e qëndrueshme në perspektivë pozitive, duke konfirmuar vlerësimin B+. Ky rishikim, pas gati shtatë vitesh, është një hap në drejtim të grupit të vendeve që konsiderohen me financa publike më të forta.
Vlerësimi i Standard&Poor’s është pasqyrë e politikave ekonomike, menaxhimit të kujdesshëm fiskal dhe përpjekjeve pozitive në zbatimin e reformave strukturore dhe procesin e integrimit evropian.
Në veçanti ulja e nivelit të borxhit publik dhe progresi i reformave kanë qenë një faktor i rëndësishëm për këtë vlerësim pozitiv”, u shpreh ministri.
Në deklaratë për mediat Mete bëri edhe një përmbledhje të treguesve ekonomik të vendit përgjatë këtij viti, duke nisur nga rënia e inflacionit, rritja e punësimit dhe ecuria pozitive e investimeve të huaja.
“Vlerësimi i përmirësuar është një tregues i progresit dhe trendit pozitiv të ekonomisë Shqiptare. Rritja ekonomike ka mbetur e qëndrueshme dhe relativisht e lartë, afro 4% në terma vjetorë, pavarësisht vështirësive që po has ekonomia botërore.
Inflacioni u rikthye në trend ulës brenda një kohe relativisht të shkurtër, duke arritur në 4% në muajin gusht 2023.
Papunësia ka arritur nivelet më të ulëta historike, prej 10.7% në fund të tremujorit të dytë të këtij viti, ndërkohë që pjesëmarrja në tregun e punës është përmirësuar ndjeshëm.
Investimet e huaja vazhdojnë të rriten me ritme të shpejta, duke arritur në afro 700 milionë euro në 6-mujorin e parë të vitit 2023”, theksoi në dalje për mediat ministri i Financave Ervin Mete.
Ministri ndalet edhe tek turizmi, ku thekson nevojën për shtim të kapaciteteve pritëse. “Turizmi ka patur një zgjerim të jashtëzakonshëm që kërkon një ndjekje të dedikuar sa i përket përmirësimit të kapaciteteve pritëse dhe shërbimeve të lidhura me industrinë mbështetëse të këtij sektori.
Si rezultat i përmirësimit të bilancit tregtar, të ardhurave nga turizmi dhe i investimeve të huaja direkte, ka patur përmirësim të ndjeshëm të ekuilibrit të jashtëm.
Llogaria korrente, rezultati i të gjithë marrëdhënieve të vendit me jashtë, pritet të zbresë poshtë 6% të PBB-së për herë të parë pas 15 vitesh”, tha Mete.
Një ditë më parë, Shqipëria mori vlerësim pozitiv nga agjencia kombëtare e vlerësimit Standard and Poor’s. Më 22 Shtator 2023, agjencia ka rishikuar perspektivën e saj për Shqipërinë nga “e qëndrueshme”, në “perspektivë pozitive”.
Në të njëjtën kohë, agjencia rikonfirmon vlerësimin e vendit në “B+”./Burimi: Shqiptarja.com
Më të lexuarat
![BE hap zyrtarisht procedurat e deficitit kunder 8 vendeve anetare BE hap zyrtarisht procedurat e deficitit kunder 8 vendeve anetare](images/news/deficiti 8 vende.jpg)
![Media britanike Daily Express: Ju ftojme te zbuloni Himaren Media britanike Daily Express: Ju ftojme te zbuloni Himaren](images/news/media britaznike per himaren.jpg)
![Fusha e mbetjeve ne Vlore prej 3 ditesh ne flake, qyteti ende nen tymin toksik Fusha e mbetjeve ne Vlore prej 3 ditesh ne flake, qyteti ende nen tymin toksik](images/news/fusha mbejtjeve vl zjarr.png)
![Gjermania regjistron numrin me te larte te kartemonedhave false nga 2017 Gjermania regjistron numrin me te larte te kartemonedhave false nga 2017](images/news/kartmonedha false gjerm.jpeg)
![PS-PD miratojne ndryshimet ne Kodin Zgjedhor: Lista te hapura dhe vote te diaspores PS-PD miratojne ndryshimet ne Kodin Zgjedhor: Lista te hapura dhe vote te diaspores](images/news/,miratohen ndryshimet kof.jpg)
![Ndertuesit ankohen: Diten ndalohen betonieret, naten policia nderpret punimet Ndertuesit ankohen: Diten ndalohen betonieret, naten policia nderpret punimet](images/news/ndertue4s ndalime.jpg)
![Mallrat e akcizes, rekord ne 6 mujor: Me shume karburante, kafe, cigare dhe birre Mallrat e akcizes, rekord ne 6 mujor: Me shume karburante, kafe, cigare dhe birre](images/news/mallra akcize zhdoganime rekord gjashte muaj.jpg)
![Treni Tirane-Durres, 193 mln leke per shpronesimet, publikohet lista me 74 prona Treni Tirane-Durres, 193 mln leke per shpronesimet, publikohet lista me 74 prona](images/news/dosjet e pronave shpronesime hekurusha.jpg)
![Prodhimi i pullave fiskale i kalon shtetit, hiqet tarifa per markimin e karburanteve Prodhimi i pullave fiskale i kalon shtetit, hiqet tarifa per markimin e karburanteve](images/news/akciza karburante hiqet kostoja tarifa.jpg)
![Granti i BE per Vore-Hani i Hotit, nenshkruhet marreveshja 136 mln euro Granti i BE per Vore-Hani i Hotit, nenshkruhet marreveshja 136 mln euro](images/news/mareveshja grant be vore hani hotit.jpg)