Tirana do te prese lideret e Ballkanit Perendimor me 28-29 Shkurt
Më 28 dhe 29 shkurt në Tiranë do të zhvillohet një takim mes liderëve të Ballkanit Perëndimor.
Ditën e djeshme është zhvilluar tryeza ministrore e përfaqësuesve nga Ballkani Perëndimor për fushën e integrimit evropian, ku edhe është njoftuar takimi që do mbahet në Tiranë.
Më 28 shkurt në Tiranë do të mbahet samiti për Ukrainën, ndërsa kjo e fundit lufton me forcat ruse.
Për herë të parë në Shqipëri vjen edhe presidenti Volodymyr Zelenky. Një ditë më pas, më 29 shkurt, kryeqyteti pret liderët e Ballkanit Perëndimor.
Për herë të parë, presidenti ukrainas Volodymyr Zelensky do të vizitojë Shqipërinë, ndërsa Ukraina ndodhet në luftë me Rusinë që prej shkurtit 2022.
Tirana do të jetë mikpritëse e një samiti për Ukrainën, ku padyshim fokusi do të vendoset tek lufta, ndërsa i pranishëm do jetë edhe vetë Zelensky.
Burime për Report Tv dhe Shqiptarja.com bëjnë me dije se samiti për Ukrainën në Tiranë do të mbahet më datë 28 shkurt.
Ka qenë vetë kryeministri Edi Rama që paralajmëroi nga Shkupi samitin dhe vizitën e Zelensky në Tiranë.
Një ditë më pas, 29 shkurt, kryeqyteti do të presë liderët e Ballkanit Perendimor, ku fokusi do të jetë rrugëtimi i vendeve të Ballkanit Perëndimor drejt BE, si edhe zbatimi i Planit të Rritjes Ekonomike,
I cili synon të zgjerojë përfitimet e Tregut Unik të Bashkimit Evropian në rajon përpara anëtarësimit formal, me synim kontributin pozitiv në rritjen ekonomike dhe përshpejtimin e konvergjencës socio-ekonomike me BE-në./Burimi: Shqiptarja.com
Ditën e djeshme është zhvilluar tryeza ministrore e përfaqësuesve nga Ballkani Perëndimor për fushën e integrimit evropian, ku edhe është njoftuar takimi që do mbahet në Tiranë.
