![Mallrat e akcizes, rekord ne 6 mujor: Me shume karburante, kafe, cigare dhe birre Mallrat e akcizes, rekord ne 6 mujor: Me shume karburante, kafe, cigare dhe birre](images/news/mallra akcize zhdoganime rekord gjashte muaj.jpg)
Balluku: TIA do prese udhetimet e para transoqeanike vitit e ardhshem
Në aeroportin ndërkombëtar “Nënë Tereza” po punohet paralelisht në disa fronte, me qëllim rritjen e kapaciteteve të këtij aeroporti.
Punimet janë fokusuar në zgjerimin e terminalit, rehabilitimin e pistës, si dhe shtimin e vendqëndrimeve të avionëve.
Investimi i përgjigjet rritjes së ndjeshme të numrit të pasagjerëve dhe fluturimeve.
Të dhënat e muajve të parë të këtij viti parashikojnë që viti 2024 të sjellë në Shqipëri një numër akoma edhe më të madh të pasagjerëve, krahasuar me vitin e kaluar.
Zëvendëskryeministrja, njëherësh Ministër i Infrastrukturës dhe Energjisë, Belinda Balluku, së bashku me drejtorin e Autoritetit të Aviacionit Civil, Maksim Et’hemaj inspektuan nga afër ecurinë e punimeve, ku janë marrë të gjitha masat që ndërhyrjet që po realizohen të mos ndikojnë në operimin e aeroportit.
Drejtori Et’hemaj tha se zgjerimi i terminalit rrit kapacitetet përpunuese të aeroportit, ndërsa tek pjesa e re që po ndërtohet do të shtohen edhe 3 Gate.
“Po ndërhyhet për të mbështetur rritjen e numrit të pasagjerëve. 15 mijë metër katrorë këtu akomodojnë 13 mijë pasagjerë. Në përfundim të fazës së tretë, aeroporti i Tiranës, në orën më të ngarkuar, akomodon 30 mijë pasagjerë.
Ne jemi në gjendje të akomodojmë në një orë 30 mijë pasagjerë. Kjo është ekzakt çfarë duhet të bëhet. Investimi shkon së bashku me rritjen e pasagjerëve”, tha Et’hemaj.
Sa i takon pistës, zgjatimi i saj do të bëjë të mundur fluturimet transoqeanike. I gjithë investimi parashikohet të jetë gati verën e vitit të ardhshëm. Gjithashtu ndërtimi i rrugës lidhëse krijon lehtësira në menaxhimin e trafikut ajror.
Vitin e kaluar në tre mujorin e parë në aeroportin e Rinasit ka pasur 92 fluturime në ditë, ndërkohë që gjatë vitit 2024 janë 147 fluturime, një shifër që tregon rritjen e madhe të fluksit të pasagjerëve.
Ministrja Belinda Balluku theksoi se pikërisht kjo rritje shton ndjeshëm nevojën për investime, ndërsa solli në vëmendje të gjithë planin e Qeverisë Shqiptare për zhvillimin e sektori të avancionit civil.
“Është kënaqësi shumë e madhe që të shikojmë se si strategjia e Qeverisë Shqiptare për ngritjen e aviacionit civil në një shkallë tjetër ka filluar të implementohet dhe tashmë është e materializuar.
E kemi nisur këtë proces në 2019, kur kemi shpallur një strategji të mirëstudiuar dhe të vendosur mbi baza, në bashkëpunim me partnerët tanë EUROCONTROL, IATA dhe të gjithë aktorët e tjerë ndërkombëtarë.
Kemi bashkëpunuar me kompani të huaja të cilat kanë ekspertizën, duke qenë se Shqipëria vinte nga një proces le të themi shumë bazik i aviacionit civil deri në vitin 2019”, tha Balluku.
Ministrja Belinda Balluku shtoi më tej se rritja e trafikut ajror dhe zhvillimi që po merr aviacioni civil në Shqipëri kanë nevojë edhe për kapacitete të reja në burimet njerëzore.
“E gjithë kjo strukturë e madhe aeroportuale, e ndërtuar nga veriu deri në jug do të ketë nevojë për kapitalin njerëzor, që është më i rëndësishmi.
Por në aviacion, ndryshe nga fusha të tjera, që të ngresh një ekspert të navigimit, siç janë kontrollorët e navigimit ajror, apo të ngresh një ekspert të aeroporteve duhet punë.
Nuk është një proces i lehtë dhe për më tepër duhen akademi të mirëfillta të cilat trajnojnë dhe certifikojnë. Më pas përmes proceseve të aviacionit civil ne japim licenca.
Nuk është thjesht një certifikim. Licencojmë të gjithë këta ekspertë si në navigim apo aeroportual. Për këtë arsye ne kemi nisur punën për ngritjen e një akademie”, nënvizoi Balluku.
Ministrja e Infrastrukturës dhe Energjisë tha se një tjetër sektor që do të zhvillohet në Shqipëri, si në aeroportin e Vlorës ashtu edhe atë të Tiranës, është ai për mirëmbajtjen e avionëve.
Një sektor që deri më tani ka munguar në vendin tonë dhe që do të kërkojë gjithashtu kapacitete shtesë njerëzore./Burimi: Shqiptarja.com
Më të lexuarat
![Mallrat e akcizes, rekord ne 6 mujor: Me shume karburante, kafe, cigare dhe birre Mallrat e akcizes, rekord ne 6 mujor: Me shume karburante, kafe, cigare dhe birre](images/news/mallra akcize zhdoganime rekord gjashte muaj.jpg)
![Treni Tirane-Durres, 193 mln leke per shpronesimet, publikohet lista me 74 prona Treni Tirane-Durres, 193 mln leke per shpronesimet, publikohet lista me 74 prona](images/news/dosjet e pronave shpronesime hekurusha.jpg)
![Prodhimi i pullave fiskale i kalon shtetit, hiqet tarifa per markimin e karburanteve Prodhimi i pullave fiskale i kalon shtetit, hiqet tarifa per markimin e karburanteve](images/news/akciza karburante hiqet kostoja tarifa.jpg)
![Granti i BE per Vore-Hani i Hotit, nenshkruhet marreveshja 136 mln euro Granti i BE per Vore-Hani i Hotit, nenshkruhet marreveshja 136 mln euro](images/news/mareveshja grant be vore hani hotit.jpg)
![Italia projekt per Korridor Hidrogjeni, transport nga Mesdheu Jugor deri ne Europen Veriore Italia projekt per Korridor Hidrogjeni, transport nga Mesdheu Jugor deri ne Europen Veriore](images/news/hidrogjen itali korridori europe mesdhe.jpg)
![Klima e biznesit ne Gjermani perkeqesohet ne korrik, renia e dyte rradhazi Klima e biznesit ne Gjermani perkeqesohet ne korrik, renia e dyte rradhazi](images/news/klima biznesit gjermani perkeqesim.jpg)
![Skema Kombetare ne bujqesi, nis ndarja e fondeve per fermeret dhe blegtoret Skema Kombetare ne bujqesi, nis ndarja e fondeve per fermeret dhe blegtoret](images/news/subvencione shqiperi nis financimi blektori bujqesi.jpg)
![Autostradat ne Kroaci rrisin cmimet e tarifave per here te pare pas 4 vitesh Autostradat ne Kroaci rrisin cmimet e tarifave per here te pare pas 4 vitesh](images/news/autostradat gjermani ndryshim tarifa cmime.jpg)
![Buxheti akumulon 500 mln euro suficit ne qershor, 141 per qind me shume se plani buxhetor Buxheti akumulon 500 mln euro suficit ne qershor, 141 per qind me shume se plani buxhetor](images/news/plani buxhetor suficit qeveria.jpg)
![Sistemi i pagesave online, AKSHI: Aplikimet per nenshkrim dhe certifikaten elektronike brenda afatit Sistemi i pagesave online, AKSHI: Aplikimet per nenshkrim dhe certifikaten elektronike brenda afatit](images/news/akshi biznese aplikime afate procedura.jpg)