![Nga neser efektivet e Policise do te punojne 12 ore ne dite per tre muaj Nga neser efektivet e Policise do te punojne 12 ore ne dite per tre muaj](images/news/policia sezoni turistik pune 12 ore.jpeg)
Gallup: Kosova dhe Shqiperia, shtetet qe mbeshtesin me shume lidershipin e SHBA
Shtetasit e Kosovës dhe të Shqipërisë kanë një mbështetje të lartë për lidershipin e Shteteve të Bashkuara të Amerikës (SHBA).
Kompania e njohur ndërkombëtare e sondazheve, Gallup, ka publikuar sondazhin e fundit “Vlerësimi i Liderëve Botërorë, SHBA kundrejt Gjermanisë, Kinës dhe Rusisë”.
Kosova është shteti që ka mbështetjen më të lartë në Europë ndaj lidershipit të Shteteve të Bashkuara të Amerikës. 83% e të anketuarve në Kosovë janë pro, ndërsa 6% nuk e mbështesin dhe 10% të tjerë kanë refuzuar të përgjigjen.
Në vend të dytë është Polonia, me 73% mbështetje, 16% kundër dhe 21% që refuzojnë të japin opinion.
Shqipëria renditet në vend të tretë. 63% e të anketuarve janë shprehur pro lidershipit të SHBA-së dhe 16% janë kundër. Niveli i refuzimit është i lartë, në 21%.
Ndonëse Kosova dhe Shqipëria janë dy shtetet me mbështetjen e parë dhe të tretë më të lartë, ajo ka rënë në raport me sondazhet e mëparshme, me 6 pikë përqindje për secilin. E njëjta tendencë ishte dhe për Poloninë (-7).
Mbështetja globale për lidershipin e SHBA-së ishte 41%.
Në krahasim me rajonin, Kosova dhe Shqipëria kanë një vlerësim shumë më të lartë për politikat e SHBA-së.
Në rajon mbështetjen më të ulët e ka Serbia, me vetëm 10%, që janë pro lidershipit amerikan dhe 61% kundër (21% refuzuan të përgjigjen). Serbia është në fakt e parafundit në Europë, duke lënë pas vetëm Rusinë (6% pro dhe 88% kundër).
Pas Serbisë, më pak tek drejtimi i SHBA-ve besojnë shtetasit e Bosnjë Hercegovinës (27% pro), Malit të Zi (30%), Maqedonisë së Veriut (37% pro),
Sipas raportit, sondazhet e Gallup në më shumë se 130 vende tregojnë se rendi botëror mbeti kryesisht i pandryshuar në vitin 2023.
As SHBA-së, as Gjermania nuk morën një miratim global të udhëheqjes së tyre prej më shumë se 50%, por gjithësi lideri gjerman fiton një vlerësim më të lartë se ai i SHBA-së.
Megjithatë, këto dy shtete ishin ende në pozita shumë më të forta se Kina dhe Rusia – të cilat kanë një vlerësim të ulët rekord pas pushtimit të Ukrainës.
Në vitin e tretë të presidencës së Joe Biden, vlerësimi mesatar global i miratimit të lidershipit të SHBA-së ishte 41% në 133 vende dhe territore. Ky vlerësim është i njëjtë me vitin e kaluar dhe më i ulët se vlerësimi prej 45% pozitiv gjatë vitit të tij të parë të plotë në detyrë.
Në vitin e dytë të plotë nën drejtimin e kancelarit Olaf Scholz, Gjermania mbeti fuqia globale me vlerësimin më të lartë për të shtatin vit radhazi.
Në vitin 2023, miratimi mesatar i lidershipit të Gjermanisë në 134 vende dhe territore ishte 46% — i pandryshuar nga viti 2022. Të dy vlerësimet janë ulur nga niveli prej 50% që rezultoi në 2021, por janë ende më të larta se shumicën e mandatit të gjatë të ish-kancelares Angela Merkel.
Gjermania dhe SHBA-të vazhduan të kishin vlerësime më të larta të miratimit sesa Kina apo Rusia. Vlerësimi i miratimit të Kinës u rrit paksa në 30%, por ishte ende afër nivelit më të ulët.
Vlerësimi global i miratimit të Rusisë prej 22% në 2023 është statistikisht po aq i dobët sa vlerësimi i saj prej 21% pasi pushtoi Ukrainën në fund të shkurtit 2022.
Ndërsa SHBA-ja dhe aleatët e saj në Europë dënuan pushtimin e Ukrainës nga Rusia, miratimi i Rusisë ra pothuajse në çdo rajon të botës në vitin 2022, duke ofruar dëshmi se kundërshtimi ndaj veprimeve të saj ishte shumë më i gjerë.
Ndërsa lufta e Rusisë kundër Ukrainës vazhdon, përbuzja mbetet po aq e fortë në Europë. Megjithatë, ka shenja se po zbutet gjetkë, veçanërisht në Afrikë, sipas raportit të Gallup.
/Burimi: Monitor (https://www.monitor.al/gallup-kosova-dhe-shqiperia-shtetet-qe-mbeshtesin-me-shume-lidershipin-e-shba-se-ndonese-me-renie/)
Më të lexuarat
![Nga neser efektivet e Policise do te punojne 12 ore ne dite per tre muaj Nga neser efektivet e Policise do te punojne 12 ore ne dite per tre muaj](images/news/policia sezoni turistik pune 12 ore.jpeg)
![Anetaresimi ne SEPA, 100 mln euro kursim nga kostot e remitancave Anetaresimi ne SEPA, 100 mln euro kursim nga kostot e remitancave](images/news/sepa shqiperia anetaresim kursim.jpg)
![78 per qind e shqiptareve ne moshe te rritur kane llogari bankare 78 per qind e shqiptareve ne moshe te rritur kane llogari bankare](images/news/llogari bankare 78 perqind shqiptareve.jpg)
![Super tenderet per mirembajtjen e rrugeve, ARRSH 7.3 mld leke per 4 rajonet e vendit Super tenderet per mirembajtjen e rrugeve, ARRSH 7.3 mld leke per 4 rajonet e vendit](images/news/arrsh 4 tendera mirembajtje rruge.jpg)
![Celja e sezonit turistik, Policia publikon masat per kufizimin e disa mjeteve e akseve ne vend Celja e sezonit turistik, Policia publikon masat per kufizimin e disa mjeteve e akseve ne vend](images/news/policia plan masazh kufizime sezoni turistik.jpg)
![Temperatura rekord, Greqia mbyll atraksionet turistike, shkollat dhe cerdhet Temperatura rekord, Greqia mbyll atraksionet turistike, shkollat dhe cerdhet](images/news/greqi temperatura rekord mbyllen shkolla.jpg)
![Mikrokredia ne nivele rekord, mbi 200 mije kliente aktive ne 2023 Mikrokredia ne nivele rekord, mbi 200 mije kliente aktive ne 2023](images/news/mikrokredia rekord ne 2023.jpg)
![Lehtesohen procedurat e lejeve te ndertimit per objektet bujqesore dhe te banimit ne fshat Lehtesohen procedurat e lejeve te ndertimit per objektet bujqesore dhe te banimit ne fshat](images/news/procedura leje ndertimi lehtesim fshat.jpg)
![Media britanike: Shqiperia destinacioni me emocionues per pushime familjare Media britanike: Shqiperia destinacioni me emocionues per pushime familjare](images/news/turizmi shqiperi britanikja artikull.jpg)
![Yield-et e bonove 12 mujore bien me tej, i afrohen normes baze te interesit Yield-et e bonove 12 mujore bien me tej, i afrohen normes baze te interesit](images/news/yeldi bono ulje norma interesi.jpg)