Droni qe shkurton deri ne 4 here punen e fermereve
Fermerët japonezë po testojnë një dron të ri që mund të rrijë pezull mbi fushat e orizit dhe të kryejë detyrat katër herë më shpejt se njeriu.
Droni shpërndan pesticidet dhe plehrat në një fushë të orizit në 15 minuta, një punë që zgjat më shumë se një orë me dorë dhe kërkon që fermerët të tërheqin rreth vetes ene të rënda për kryerjen e këtij proçesi. Krijuesit e dronit të ri bujqësor thonë se ai ofron lehtësim të teknologjisë së lartë për komunitetet rurale që përballen me një mungesë të punës, ndërsa të rinjtë largohen drejt qyteteve. Ata planifikojnë të hedhin në shitje për 36,000 dollarë Nile-T18, dronin të cilin fermerët mund ta kontrollojnë përmes një aplikacioni iPad, dhe kjo do të ndodhë vitin e ardhshëm.
"Qëllimi ynë përfundimtar është që të ulim kostot e bujqësisë së orizit në një të katërtën e asaj që është tani," u tha gazetarëve të enjten Hiroshi Yanagishita, Presidenti i Nileworks, firma prodhuese e dronit e cila gjendet në Tokyo dhe ndodhet pas kësaj teknologjie inovative. Nil-T18 është testuar kohët e fundit në zonën e Tome të Japonisë , një rajon që ka furnizuar orizin në Tokio që nga shekulli i 17-të. "Kjo është një teknologji e lartë e paprecedent", tha Isamu Sakakibara, një fermer orizi 69-vjeçar në Tome dhe kreu i JA Miyagi Tome, kooperativës bujqësore lokale."Ndërsa përballemi me një mungesë të fermerëve të gjeneratës së ardhshme, misioni ynë është të dalim me ide të reja për të rritur produktivitetin dhe të ardhurat e fermerëve përmes futjes së teknologjive të fundit, siç janë dronët". Krahasuar me mini-helikopterë më të mëdhenj të kontrolluar nga radio, që kushtojnë rreth 136,000 dollarë me pajisje spërkatëse, droni është më i vogël dhe më i lirë. Mund të analizojë me shpejtësi kërcellin e orizit dhe të përcaktojë sasinë e pesticideve ose plehrave që i nevojiten, duke e bërë më të lehtë për fermerët të gjykojnë nevojat e inputeve dhe të vlerësojnë madhësinë e kulture.
Teknologjia shkon në hartimin e softuerit që është i thjeshtë për të vepruar, që do të thotë se mund të kontrollohet me një iPad. Firma planifikon të fillojë shitjen e dronit në maj, me një objektiv vjetor prej 100 njësive në vitin e parë dhe 4,000 në pesë vjet. Nileworks po negocion aktualisht me autoritetet për t'i lejuar operatorët të fluturojnë me dronë pa licencë. Qëllimi i tij është të lehtësojë barrën fizike dhe të përmirësojë produktivitetin në zonat rurale duke luftuar dhjetëvjeçarët e normave të lindjeve në rënie dhe migrimit në zonat urbane. Në Tome, fermerët janë mesatarisht 67-68 vjeç dhe ata mund të kenë vetëm një tjetër 4-5 vite punë në bujqësi, tha Sakakibara. Krijuesit e tjerë droni si SkymatiX Inc, zotërim i përbashkët i kompanisë tregtare Mitsubishi Corp dhe krijuesit elektronik Hitachi Ltd, po ofrojnë shërbime të droni t në ferma.
Shota Chiba, një fermer 29-vjeçar në Tome, tha se teknologjia mund të modernizojë bujqësinë dhe t'i tërheqë të rinjtë drejt tokës."Njerëzit ende kanë një imazh të fortë stereotipik të bujqësisë si një punë e pista dhe e vështirë, por kjo nuk është më e vërtetë për shkak të mekanizimit gradual", tha Chiba."Teknologjia e re si pilotët diagnostikues mund të ndihmojë në ndryshimin e imazhit të vjetër dhe të tërheqë më shumë të rinj në bujqësi, të cilën me të vërtetë e pëlqej," shtoi ai.
Më të lexuarat
