Hapet aeroporti me siperfaqen me te madhe ne bote

Aeroporti i ri i Stambollit, i quajtur si Aeroporti i Ri i Stambollit, i cili u hap pjesërisht më 29 tetor, është aeroporti me sipërfaqen më të madhe në botë. 

I ndërtuar në rrethin e Arnavutköy, në anën evropiane të Stambollit, 20 milje jashtë qytetit përgjatë vijës bregdetare të Detit të Zi, ai vendos rekordin e të qënurit aeroporti më i madh në botë: më i madh se madhësia e Manhatanit, në 76.5 million metra katrorë. 

Ajo do të hapet tërësisht deri në fund të vitit, duke zëvendësuar efektivisht aeroportin e vjetër Ataturk. Përfundimisht, aeroporti i ri do të strehojë më shumë se 200 milionë pasagjerë, dyfishi i kapacitetit të Hartsfield-Jackson Atlanta. Dizajni i aeroportit të ri të Stambollit u frymëzua nga qyteti i pasur historikisht dhe arkitektura mahnitëse antike dhe moderne, dhe thekson ngjyrën, modelet dhe dritën. Kulla e kontrollit është projektuar në formën e një tulipani, lule kombëtare të Turqisë që u bë veçanërisht e njohur gjatë sundimit të Sulltan Sulejmanit në vitet 1500. 

Tulipanët fillimisht u kultivuan gjatë Perandorisë Osmane dhe më pas u importuan në Hollandë në shekullin e 16-të. Salla e terminalit kryesor të tranzitit ndjek formën e ngushticës së Bosforit. Aeroporti i cili premton të jetë miqësor me mjedisin, ka 22 ndërtesa të certifikuara LED, të cilat do të konsumojnë 21 për qind më pak energji dhe 40 për qind më pak burime uji, të ndërtuara me materiale ekologjikisht miqësore. Këto përfshijnë dritare që kanë transmetim të ulët termik që lejojnë ngrohje dhe ftohje shumë më efikase. Dizajni i terminalit më të madh të aeroportit në botë është bërë nga firma me qendër në Londër, Grimshaw, së bashku me Haptic dhe Nordic, dhe përmban një kulm të mbuluar me çati prej xhami. 

Frymëzimet janë nxjerrë nga mënyra se si drita depërton ndërtesat dhe Xhaminë Osmane Süleymaniye, që pak a shumë të kujton strukturën e çatisë prej xhami në Louvre Abu Dhabi. Kompania e menaxhimit të aeroportit, iGA, thotë se tavani dhe modelet e saj gjeometrike u hartuan për të dhënë një kuptim të qartë të drejtimit. Duke krijuar struktura xhami të vazhdueshme, drita natyrale është e shpërndarë nëpër të gjithë terminalet dhe rrezet e fokusuara të dritës së diellit nxjerrin në pah zona kyçe duke përfshirë zonat e check-in, sigurinë dhe kontrollin e pasaportave, duke u dhënë udhëtarëve një drejtim tërësisht natyror. 

"Ngjyrat dhe tonalitetet gjithnjë në ndryshim të Stambollit frymëzojnë strukturën e brendshme, ku një çati me shtresa është vendosur për të nxjerrë në pah rënien e dritës, një gamë delikate të ngjyrave blu dhe një model të veçantë gjeometrik", thotë iGA. Familjet do të kënaqen me shtatë zona të mëdha të lojërave për fëmijët në të gjithë terminalin. Gjithashtu mbizotëruese janë iniciativa të fokusuara në mirëqënien dhe akomodimin e pasagjerëve. 

Më të lexuarat