Shkencëtarët kanë krijuar 'materialin më të errët të bërë ndonjëherë' i cili thith 99,96 përqind të dritës dhe është dhjetë herë më i zi se çdo gjë e bërë më parë.
Studiuesit nga Instituti i Teknologjisë në Masaçusets (MIT) mbuluan një diamant prej 1.6 milion paund me substancën në një përpjekje për të provuar errësinë e saj.
Materiali hi-tech,'si mantel' u bë nga nanotubat e karbonit (CNT) dhe u zhvillua në letër alumini, duke thithur 99,96 përqind të dritës, gjë e cila e bën atë materialin më të zi ndonjëherë. Shkencëtarët nuk janë të sigurt për mekanikën që e bën materialin të jetë aq i errët, por besojnë se është për shkak të çiftimit të nanotubave të karbonit dhe aluminit me klor.
Nanotubat, kur grumbullohen në një ‘pyll ’vertikal, mund të shndërrojnë pothuajse të gjithë dritën në nxehtësi, sipas disa shkencëtarëve. Profesori Wardle i MIT, i cili drejtoi hulumtimin, ka veshur një diamant të verdhë natyral 16.78 karatësh në materialin e ri ultrablack CNT. Ajo rezultoi në efekt mahnitës, duke e lënë perlën normalisht të ndritshme si një zbrazëti të sheshtë, të zezë.
Por eksperimenti mund të ketë përdorime praktike gjithashtu, duke i dhënë teleskopëve hapësinorë një material për blinders optikë për të zvogëluar shkëlqimin e padëshiruar. Ky material është edhe më i errët se sa vantablack, i cili më parë mendohej se ishte materiali më i zi në botë. Materiali është 10 herë më i zi se gjithçka që është raportuar ndonjëherë, por unë mendoj se e zeza është një objektiv vazhdimisht në lëvizje, u shpreh një prej studiuesve.
