52,7 mln ton mbetje elektronike u prodhuan ne 2019
Një sasi prej 52.7 milion ton të mbeturinave elektronike u krijua në të gjithë botën në vitin 2019, ku më pak se një e pesta e të cilave u riciklua, sipas raportit të OKB.
Mbetjet të njohura gjithashtu si mbeturina elektronike, përbëhen nga telefona të hedhura, printera, TV, furça dhëmbësh elektrike dhe shumë mallra të tjerë elektronikë që nuk janë më në përdorim.
Mbeturinat elektronike të 2019 kanë peshuar më shumë se të gjithë të rriturit në Evropë, mjaftueshëm për të formuar një linjë më të gjatë se 75 milje. Mbeturinat globale elektronike janë rritur me 21 përqind në vetëm pesë vjet, nga 43.6 milion ton në vitin 2014 në 52.7 milion ton vitin e kaluar. Shifra do të arrijë në 72.8 milion ton deri në vitin 2030, gati duke u dyfishuar në vetëm 16 vjet, paralajmëron OKB.
Mbeturinat elektronike janë një rrezik për shëndetin dhe mjedisin, që përmbajnë aditivë toksikë ose substanca të rrezikshme siç është merkuri, që dëmton trurin e njeriut. Pasi një pajisje hidhet poshtë dhe mbeturinat elektronike ngrohen, kimikatet toksike lëshohen në ajër duke dëmtuar atmosferën.
Mbeturinat elektronike në deponitë gjithashtu mund të depërtojnë materiale toksike në ujërat nëntokësore, duke prekur kafshët dhe bimët. Përpjekje thelbësore më të mëdha kërkohen urgjentisht për të siguruar prodhimin, konsumimin dhe depozitimin më të zgjuar global të pajisjeve elektrike dhe elektronike.
Ari, argjendi, bakri, platini dhe materiale të tjera me vlera të larta, të vlerësuara kolektivisht në 45 miliardë dollarë, më i madh se PBB e shumicës së vendeve, u hodhën kryesisht ose u dogjën sesa u grumbulluan për trajtim dhe ripërdorim. Nga totali i mbeturinave elektronike gjatë vitit të kaluar, Azia kontribuoi shumën më të madhe, 46.4 përqind, e ndjekur nga Amerika (24.4 përqind), Evropa (22.3 përqind), Afrika (5.4 përqind) dhe Oqeania (1.3 përqind).
