Një vaksinë e zhvilluar nga Universiteti i Oksfordit mendohet si kandidati kryesor, teksa kompania pretendon se do jetë gati deri për Krishtlindje.
Profesori Adrian Hill, themelues dhe drejtor i Institutit Jenner të Universitetit të Oksfordit, pretendon se vaksina do të marrë aprovim përpara Krishtlindjes në mënyrë që të mund të përdoret tek mjekët dhe të moshuarit përpara se të përfundojë prova.
Vaksina do të shpërndahet në pjesën tjetër të Mbretërisë së Bashkuar nga fillimi i 2021, sipas Profesor Hill. Ai tha: Licenca fillestare do të ishte për përdorim emergjent, jo miratim i plotë. Ne do të vaksinojmë individë me rrezik të lartë para se të vaksinojmë të rinjtë, të aftë dhe të shëndetshëm që janë në rrezik më të ulët.
Pra, ajo që ne po kërkojmë këtë vit është një autorizim përdorimi emergjent që do të na lejojë të vaksinojmë ata që janë më në rrezik si një përparësi, pastaj në fillim të vitit të ardhshëm të gjithë të tjerët, u shpreh studiuesi. Vaksina e Oksfordit aktualisht po kalon provat e Fazës III mbi mbi 20,000 pjesëmarrës në MB, Brazil, Afrikën e Jugut dhe Japoni.
Vaksina, e quajtur ChAdOx1 nCoV-19, është bërë nga një virus ChAdOx1, i cili është një version i dobësuar i një virusi të zakonshëm të ftohjes që shkakton infeksione te shimpanzetë, i cili është ndryshuar gjenetikisht në mënyrë që të jetë e mundur të rritet te njerëzit.
Studiuesit shpjeguan: Duke vaksinuar me ChAdOx1 nCoV-19, ne shpresojmë ta bëjmë trupin të njohë dhe të zhvillojë një përgjigje imune ndaj proteinës Spike që do të ndihmojë në ndalimin e hyrjes së virusit SARS-CoV-2 në qelizat njerëzore dhe për këtë arsye do të parandalojë infeksionin.
