Dyshemeja ose arena e Koloseut të Romës do të rikthehet në lavdinë e saj të dikurshme, duke u dhënë vizitorëve një pamje të 'madhështisë' së amfiteatrit antik.
Ministri italian i kulturës Dario Franceschini dje njoftoi një kontratë prej 16 milion paund për të rivendosur dyshemenë e arenës që do t'u mundësojë njerëzve të qëndrojnë atje ku luftëtarët legjendar luftuan dikur me kafshët e egra dhe njëri-tjetrin deri në vdekje.
Firma inxhinierike Milan Ingegneria ka fituar ofertën për të ndërtuar dhe instaluar një dysheme të arenës prej druri që tërhiqet, me projektin që do të përfundojë në dy vjet. Z. Franceschini tha: Në 2023, ne do të kemi përsëri shkëlqimin e Koloseut me arenën e tij.
Dyshemeja e re do të përbëhet nga pllaka druri të fiksuara në një rrjet shinash. Pllakat rrotullohen 90 gradë, duke i lejuar ato të grumbullohen lart për të zbuluar pjesën e poshtme të strukturës antike. Sistemi I lëvizshëm do të jetë në gjendje të mbulojë ose zbulojë shpejt strukturat nëntokësore më poshtë, për t'i mbrojtur ato nga shiu ose për t'i lejuar ato të ajrosen.
Amfiteatri dikur kishte një dysheme druri të mbuluar me rërë në majë të një rrjeti tunelesh dhe dhomave të pritjes së luftëtarëve. Dyshemeja u hoq në shekullin e 19 në mënyrë që arkitektët të mund të gërmonin nivelet nën të.
Ajo u hap për publikun për të parë zonën nëntokësore në 2010 dhe skena e re do të jetë në gjendje të mbulojë ose zbulojë rrjetet nëntokësore. Skena do të jetë gjithashtu në gjendje të presë ngjarje kulturore, tha z. Franceschini.
