Zhvillohen panelet diellore qe lundrojne ne det te hapur
Kur dielli po shkëlqen, nuk ka vend më të mirë se sa notimi në det - dhe e njëjta gjë vlen edhe për panelet diellore.
Inxhinierët nga kompania holandeze-norvegjeze SolarDuck po zhvillojnë panele të mëdha diellore që janë në gjendje të rrëshqasin mbi valë 'si një qilim' në Detin e Veriut.
Panelet janë pjesë e një projekti pilot për të përdorur hapësirën oqeanike prej 139 milionë kilometrash katrorë të planetit për gjenerimin e energjisë.
Merganser, parku i parë diellor lundrues, do të instalohet në ujërat jashtë Ostendit, Belgjikë dhe do të ketë një kapacitet maksimal prej 500 kW.
Projekti po financohet nga gjigandi gjerman i energjisë RWE, i cili shpreson të komercializojë teknologjinë nga viti i ardhshëm nëse skema është e suksesshme.
SolarDuck ka zhvilluar një platformë në formë trekëndore të paneleve diellore, të dizajnuara për të notuar disa metra mbi ujërat më të ashpra dhe për të ndjekur valët poshtë saj.
Kjo e lejon atë të mbajë përbërësit e tij elektrikë të thatë, të pastër dhe të qëndrueshëm dhe strukturën gjysmë zhytëse të sigurt.
Dizajni mori certifikimin e parë në botë për diellore lundruese në det të hapur nga organi francez i certifikimit Bureau Veritas.
